Announcements

Date: 21^st April 2024

1.  ಪೋರ್ಚ್ಯಾ ಆಯ್ತಾರಾಚಿ ಕಾಣಿಕ್ ರುಪೈ: 40,368/- ತುಮ್ಕಾಂ ದೇವ್ ಬರೆಂ ಕರುಂ.
2. ಆಯ್ತಾರಾ: 7.00 a.m. - ಆಯ್ಚಿ ದೇವ್‍ಸ್ತುತಿ ಇಜಯ್  ವಾಡ್ಯಾಗಾರಾನಿಂ ಚಲವ್ನ್ ವೆಲಿ. ತಾಂಕಾಂ ದೇವ್ ಬರೆಂ ಕರುಂ.
3. ಯೆಂವ್ಚಾ ಆಯ್ತಾರಾ 7.00 a.m. – ಕೊಟ್ಟಾರ ವಾಡ್ಯಾಗಾರಾನಿಂ ದೇವ್‍ಸ್ತುತಿ ಚಲವ್ನ್ ವರ್ಚಿ.

4. ಕ್ರೀಜ್ಮಾಚಿ  ದೊತೊರ್ನ್ ಸೊಮಾರ ಥಾವ್ನ್   ಸುಕ್ರಾರ  ಸಾಂಜೆರ್ ಚಾರ್ ಥಾವ್ನ್ ಸ ವ್ಹರಾಂ ಮ್ಹಣಾಸರ್ ಆಸ್ತೆಲಿ.

5. ಪಾಲ್ಯಾಂ/ಆಜ್ ಸಕಾಳಿಂ 10 ವರಾರ್ ಕಥೊಲಿಕ್ ಸಭೆಚಿ ವಾರ್ಷಿಕ್ ಜೆರಾಲ್ ಜಮಾತ್ ಆನಿ ಹುದ್ದೊ ಹಸ್ತಾಂತರ್ ಆಸ್ತೊಲೊ.

6. ಬುದ್ವಾರ ದೀಸ್ ಸಾಂಜೆರ್ 4 ವ್ಹರಾರ್ ಸಿನೀಯರ್ ಸಿಟಿಜನ್ ಕ್ಲಬ್ಬಾಚಿ ವಾರ್ಷಿಕ್ ಜೆರಾಲ್ ಜಮಾತ್ ಆನಿ ಹುದ್ದೆದಾರಾಂಚೆಂ ಚುನಾವಣ್ ಆಸ್ತೆಲೆಂ.

7. ಆಮ್ಚ್ಯಾ ಫಿರ್ಗಜೆಚೊ ಅದ್ಲೊ ವಿಗಾರ್ ಮಾನಾದಿಕ್ ದೊತೊರ್ ಮಾರ್ಕ್ ಕ್ಯಾಸ್ತೆಲಿನೊ ತಾಚ್ಯಾ ಯಾಜಾಕ್ಪಣಾಚೊ ಮಾಣಿಕೊತ್ಸವ್ ಎಪ್ರಿಲ್ 24 ತಾರ್ಕೆರ್ ಫೆರ್ಮಾಯ್ ಇಗರ್ಜೆಂತ್ ಚಲ್ತಲೊ. ಚಡ್ತಿಕ್ ವಿವರ್ ನೋಟಿಸ್ ಬೊರ್ಡರ್ ಆಸಾ.

8. ಹ್ಯಾ ಹಪ್ತ್ಯಾಂತ್ ಆಯ್‍ಲ್ಲೆಂ ದಾನ್ –

• ಜ್ಯಾಕ್ ಸಾಮ್ಯುವೆಲ್  - ಲ್ಯಾಂಡ್‍ಲಿಂಕ್ಸ್ ವಾಡೊ  - 5,000

• ನಾಂವ್ ನಾಕಾ  - ಕೊಟ್ಟಾರ ವಾಡೊ  - 2,000 (ದುಬ್ಳ್ಯಾ ಭುರ್ಗ್ಯಾಂಚಾ ಶಿಕ್ಪಾ ನಿದಿಕ್)

 

Announcements: 14.04.2024

1. ಪೋರ್ಚ್ಯಾ ಆಯ್ತಾರಾಚಿ ಕಾಣಿಕ್ ರುಪೈ: 38,420/- ತುಮ್ಕಾಂ ದೇವ್ ಬರೆಂ ಕರುಂ

2. ಆಯ್ತಾರಾ: 7.00 AM - ಆಯ್ಚಿ ದೇವ್‍ಸ್ತುತಿ ಬಾರೆಬೈಲ್ ವಯ್ಲೊ ವಾಡ್ಯಾಗಾರಾನಿಂ ಚಲವ್ನ್ ವೆಲಿ. ತಾಂಕಾಂ ದೇವ್ ಬರೆಂ ಕರುಂ.

3. ಯೆಂವಾ ್ಚ ಆಯ್ತಾರಾ 7.00 AM ವೊರಾಂಚಿ  ದೇವ್‍ಸ್ತುತಿ  ಇಜಯ್  ವಾಡ್ಯಾಗಾರಾನಿಂ ಚಲವ್ನ್ ವರ್ಚಿ.

4. ಸಾತ್ವ್ಯಾ ಕ್ಲಾಸಿಚಾ ಆನಿ ವಯ್ಲ್ಯಾ  ಚೆರ್ಕ್ಯಾ ಭುರ್ಗ್ಯಾಂಕ್ ಏಪ್ರಿಲಾಚಾ 18 ತಾರಿಕೆರ್ ಸಾಂಜೆರ್ ಥಾವ್ನ್ 20 ತಾರಿಕೆರ್ ಸಕಾಳಿಂ ಪರ್ಯಾಂತ್ ಕಿರ್ಯಾಂತ್ಲ್ಯಾ  ಎಸ್.ವಿ.ಡಿ  ಸೆಮಿನರಿಂತ್ ಎಕ್ ಶಿಬಿರ್ ಮಾಂಡುನ್ ಹಾಡ್ಲಾಂ. ಅಸಕ್ತ್ ಆಸ್‍ಲ್ಲ್ಯಾನಿಂ ನಾಂವಾಂ ಅಫೀಸಾಂತ್ ದಿಂವ್ಚಿ.

5. ಮೆಯಾಚಾ 2 ತಾರ್ಕೆರ್ ಆಮ್ಚಾ ಫಿರ್ಗಜೆಚೊ ದಿಯಾಕೊನ್ ಕೊನೆಲ್ ಕೊರೆಯಾ ಎಸ್.ವಿ.ಡಿ ಹಾಚಿ ಯಾಜಕೀ ದಿಕ್ಷಾ ಆಮ್ಚ್ಯಾ ಇಗರ್ಜೆಂತ್ ಆಸ್ತೆಲಿ. ತಾಚಾ ಓಡ್ಡಿಕ್ ಕಸಲಿಚ್ಚ್ ಆಡ್ಕಳ್ ಆಸ್ಲ್ಯಾರ್ ಇಗರ್ಜ್ ಮಾತೆಚಾ ವ್ಹಡಿಲಾಂಕ್ ತಿಳ್ಸುಂಚ್ಚೆಂ

6. ಹ್ಯಾ ಹಪ್ತ್ಯಾಂತ್ ಆಯ್‍ಲ್ಲೆಂ ದಾನ್ –

   1)  ನಾಂವ್ ನಾಕಾ – ಪರಪಾದೆ ಸಕಯ್ಲೊ – 25000 (ದುಬ್ಳ್ಯಾ ಭುರ್ಗ್ಯಾಚಾ ಶಿಕ್ಪಾ ನಿಧಿಕ್)

   2) ಆನ್‍ಸಿಟಾ ಪ್ರೀತಾ ಪಿಂಟೊ – ಕೊಂಚಾಡಿ ಪಯ್ಲೊ -   2200.

 

Announcements: 07-Apr-2024 

1. ಆಯ್ತಾರಾ: 7.00 a.m. - ಆಯ್ಚಿ ದೇವ್‍ಸ್ತುತಿ ಆಕಾಶ್‍ಭವನ್ ವಾಡ್ಯಾಗಾರಾನಿಂ ಚಲವ್ನ್ ವೆಲಿ. ತಾಂಕಾಂ ದೇವ್ ಬರೆಂ ಕರುಂ.
   ಯೆಂವ್ಚಾ ಆಯ್ತಾರಾ 7.00 a.m. – ಬಾರೆಬೈಲ್ ವಯ್ಲೊ ವಾಡ್ಯಾಗಾರಾನಿಂ ದೇವ್‍ಸ್ತುತಿ ಚಲವ್ನ್ ವರ್ಚಿ.

2. ಕರೆಜ್ಮಾ ವೆಳಾರ್ ತ್ಯಾಗ್ ಸಾಕ್ರಿಫಿಸ್ ಹಾಚೆ ಖಾತಿರ್ ಸಿಓಡಿಪಿ ತರ್ಫೆನ್ ಗುರ್ಕಾರಾಂ ಮುಖಾಂತ್ರ್ ತುಮ್ಕಾಂ  ದಿಲ್ಲಿಂ ಕವರಾಂ ದಿಂವ್ಕ್ ಬಾಕಿ ಆಸ್‍ಲ್ಲ್ಯಾನಿ ಜಾತಾ ತಿತ್ಲ್ಯಾ ವೆಗ್ಗಿಂಚ್ ಪಾವಿತ್ ಕರ್ಚಿಂ.

3. ಪಾಲ್ಯಾಂ / ಆಜ್ ಸಾಂಜೆರ್ ಸಾಡೆ ಚಾರ್ ವ್ಹರಾರ್ ತಿಸ್ರ್ಯಾ ಓಡ್ಡಿಚಾ ಸಾಂದ್ಯಾಂಚೆಂ ವಿೂಟಿಂಗ್ ಶ್ರೀ ವಾಲ್ಟರ್ ಮಸ್ಕರೇನಾಸಾಚಾ ಘರಾ ಆಸ್ತೆಲೆಂ.

4. ದೆರೆಬೈಲ್ ಯುವ ಸಿ.ಎಲ್.ಸಿ ಸಹಕಾರಾನ್ ಫಿರ್ಗಜೆಚಾ ಚವ್ತಿ ಥಾವ್ನ್ ದಾವಿ ಕ್ಲಾಸ್ ಪರ್ಯಾಂತ್ ಶಿಕ್ಚ್ಯಾ ಭುರ್ಗ್ಯಾಂಕ್ ಎಪ್ರಿಲ್ ಮಹಿನ್ಯಾಚಾ ನೋವ್ ಆನಿ ಇಕ್ರಾ ತಾರ್ಕೆರ್ ಬ್ಲೋಸಮ್ ಮ್ಹಳ್ಳೆಂ ರಜೆ ಶಿಬಿರ್ ಮಾಂಡುನ್ ಹಾಡ್ಲಾ. ಸರ್ವ್ ಭುರ್ಗ್ಯಾಂನಿ ಭಾಗ್ ಘೆಂವ್ಕ್ ಉಲೊ ದಿತಾಂ. ಚಡ್ತಿಕ್ ವಿವರ್ ನೋಟಿಸ್ ಬೊರ್ಡರ್ ಆಸಾ.

5. ದೇವ್ ಆಪವ್ಣ್ಯಾ ಕೇಂದ್ರ್ ಮಂಗ್ಳುರ್ ದಿಯೆಸೆಜ್ ಮಾಂಡುನ್ ಹಾಡ್ತಾ ಯಾಜಕ್ ಜಾಂವ್ಕ್ ಮನ್ ಆಸ್‍ಲ್ಲ್ಯಾ ಸಾತ್ವೆ ಕ್ಲಾಸಿಚಾ ವಯ್ಲ್ಯಾ ಚೆರ್ಕ್ಯಾ ಭುರ್ಗ್ಯಾಂಕ್ ಏಪ್ರಿಲಾಚಾ 9 ತಾರಿಕೆರ್, 9.30 ವರಾಂ ಥಾವ್ನ್ 3.30 ವರಾಂ ಪರ್ಯಾಂತ್ ಏಕಾ ದಿಸಾಚೆಂ ಶಿಬಿರ್ ಸಾಂ ಜುಜೆ ಜೆಪ್ಪು ಸೆಮಿನರಿಂತ್.

6. ಹ್ಯಾ ಹಪ್ತ್ಯಾಂತ್ ಇಗರ್ಜೆಕ್ ಆಯ್‍ಲ್ಲೆಂ ದಾನ್:
   1) ನಾಂವ್ ನಾಕಾ ಕುಂಟಿಕಾನ್ - 10,000
   2) ನಾಂವ್ ನಾಕಾ ದೆರೆಬೈಲ್ - 5,000
   3) ನಾಂವ್ ನಾಕಾ ಲ್ಯಾಂಡ್ ಲಿಂಕ್ಸ್ - 2,000
   
   ದುಬ್ಳ್ಯಾ ಭುರ್ಗ್ಯಾಚಾ ಶಿಕ್ಪಾ ನಿಧಿಕ್ ಆಯ್‍ಲ್ಲೆಂ ದಾನ್
   1) ಸುನಿತಾ ಪ್ರಕಾಶ್ ಮೊಂತೆರೋ, ಕೊಟ್ಟಾರ – 5,000

Announcements: 31-Mar-2024 

1. ಆಯ್ಚ್ಯಾ ದಿಸಾ ವರ್ತ್ಯಾ ಭಕ್ತಿಪಣಾನ್ ಆನಿ ಉರ್ಬೆನ್ ಮಿಸಾಚೆಂ ಬಲಿದಾನ್  ಭೆಟಯ್ಲ್ಯಾ ತುಮ್ಕಾಂ ಸಮೇಸ್ತಾಂಕ್ ಆನಿ ತುಮ್ಚ್ಯಾ ಕುಟ್ಮಾಂಕ್ ಬಾಪ್ ಆನಿ ಹಾಂವ್ ಸಾಂಗಾತಾ ಪಾಸ್ಕಾಂ ಫೆಸ್ತಾಂಚೆ ಶುಭಾಶಯ್ ಪಾಠಯ್ತಾಂವ್. ಪ್ರಾಯೆ ವರ್ವಿಂ ವ ಪಿಡೆ ವರ್ವಿಂ ವ ಇತರ್ ಕಾರಾಣಾಂ ವರ್ವಿಂ ಹಾಂಗಾಸರ್ ಯೇವ್ನ್ ಸಂಬ್ರಮಾಂತ್ ಬಾಗ್ ಘೆಂವ್ಕ್ ಆಸಾದ್ಯ್ ಜಾಲ್ಲ್ಯಾ ಸಮೇಸ್ತಾಂಕ್ ತಶೆಂಚ್ ಪರ್ಗಾಂವಾಂತ್ ಆಸ್ಚ್ಯಾ ಸರ್ವ್ ಫಿರ್ಗಜ್‍ಗಾರಾಂಕೀ ಫೆಸ್ತಾಚೆ ಶುಭಾಶಯ್ ಪಾಟೈತಾಂವ್. ಜಿವಂತ್ ಜೆಜು ಜಿಣ್ಯೆ ಖುರ್ಸಾಂಕ್ ದೈರಾನ್ ಪುಡ್ ಕರುಂಕ್, ಭರ್ವಾಸ್ಯಾನ್ ಜಿಯೆಂವ್ಕ್ ಆಮಾ ಸಮೇಸ್ತಾಂಕ್ ಪಾವೊ ಕರುಂ ಮ್ಹಣ್ ಮಾಗ್ತಾಂವ್.

2. ಪಾಸ್ಕಾಂಚೊ ಪವಿತ್ರ್ ತ್ರಿದುವುಮ್ ದೇವ್ ಸ್ತುತೆಚಾ ಆಚರಣಾಚೊ ಶಿಖರ್. ಹೆ ದೀಸ್ ಬೋವ್ ಆರ್ಥಾಭರಿತ್ ಆನಿ ಸಂಬ್ರಮಾನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಹರ್ಯೆಕ್ಲ್ಯಾಚೊ ಪ್ರತ್ಯಕ್ಷ್ ಆನಿ ಪರೋಕ್ಷ ರಿತಿನ್ ಕುಮ್ಹಕ್ ಕೆಲ್ಲ್ಯಾಂಚೊ, ಪಿರ್ಜೆಂತ್ ದೀವ್ನ್ ಸುದರ್ಸಿಲ್ಲ್ಯಾಂಚೊ ಎಕಾಚ್ಚ್ ಉತ್ರಾನ್ ಉಪ್ಕಾರ್ ಬಾವುಡ್ತಾಂ. ಕೇಟ್‍ರಿಂಗ್ ಉದ್ಯಮಾಂತ್ 25 ವರ್ಸಾ ಸಂಪೈಲ್ಲ್ಯಾ ಮಿನೇಜಾಸ್ ಕೇಟ್‍ರಿಂಗ್ ಹಾಚೊ ಮ್ಹಾಲಕ್ ಶ್ರೀಮಾನ್ ಆಲ್ವಿನ್ ಮಿನೇಜಾಸ್ ಆನಿ ಕುಟ್ಮಾನ್ ಕೇಕ್ ಆನಿ ಥಂಡ್ ಪೀವನ್ ಆಯ್ಚ್ಯಾ ದಿಸಾ ಸ್ಪೊನ್ಸರ್ ಕೆಲಾಂ. ಆಂವ್ದುಚ್ಯಾ ವರ್ಸಾ ಆಲ್ತಾರಿಕ್ ಪುಲಾಂ ದಿಲ್ಲ್ಯಾ ವೆಲೆಂಟಿನೊ ಟೀನಾ ಮಸ್ಕರೆನಸ್. ಲ್ಯಾಂಡ್‍ಲಿಂಕ್ಸ್ ವಾಡೊ ಅನಿ ಮಿಶೆಲ್ ರೂಪನ್ ಫೆರ್ನಾಂಡಿಸ್, ಬಿಜೈ ವಾಡೊ ಹಾಂಚೊ ಉಪ್ಕಾರ್ ಬಾವುಡ್ತಾಂ. ತಶೆಂಚ್ ವರ್ಸಾ ಮದೆಂ ಕಾರ್ಯಾಳ್ ಸಹಕಾರ್ ದಿಂವ್ಚ್ಯಾ ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾದ್ಯಕ್ಷ ಶ್ರೀಮತಿ ಶೀಲಾ ಡಿಸೋಜ, ಕಾರ್ಯದರ್ಶಿ ಶ್ರೀಮಾನ್ ಡೆನ್ಜಿಲ್ ಪಿಂಟೊ, 21 ಆಯೋಗಾಚೊ ಸಂಯೋಜಕ್ ಶ್ರೀ ಆನಿಲ್ ಪತ್ರಾವೊ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೆ ಸಾಂದೆ, ಗುರ್ಕಾರ್, ಪ್ರತಿನಿದಿ, ವ್ಹಡಾಂಚಿ ಆನಿ ಯುವ ಸಿ.ಎಲ್.ಸಿ, ಕಥೋಲಿಕ್ ಸಭಾ, ಎಸ್.ವಿ.ಪಿ, ವೈಎಸ್‍ಡಿ, ವೈ.ಸಿ.ಯಸ್, ಸ್ಪೋಟ್ಸ್ ಕ್ಲಬ್ಬ್, ರೋಯಲ್ ಫ್ರೇoಡ್ಸ್ ಕ್ಲಬ್ಬ್, ಆಲ್ತಾರ್ ಭುರ್ಗೆ, ಚಲಿಯಾಂಚಿ ಸೊಡೆಲಿಟಿ, ಕುಮ್ಗಾರ್ ವಾಂಟ್ತೆಲಿಂ, ದೊತೊರ್ನ್ ಶಿಕೊಂವ್ಚಿಂ, ದೆರೆಬೈಲ್ ಪುಲ್ ಪತ್ರಾಚೊ ಸಂಪಾದಕ್ ಶ್ರೀ ವಿಕ್ಟರ್ ಕೊರೆಯಾ, ಹರ್ಯೇಕಾ ಫೆಸ್ತಾಂಕ್ ಸೌಂಡ್ಸ್ ಲೈಟ್ಸ್ ಆನಿ ಪುಲಾಂಚಿಂ ಮಾಂಡಾವಳ್ ಕರ್ಚಾ ಪ್ಲ್ಯಾಶ್ ಎಲೆಕ್ಟ್ರಿಕಲ್ಸಾಚಾ ಮಾಲಕ್ ಶ್ರೀ ರಿಚಾರ್ಡ್, ಬೆನೆಟ್ ಅನಿ ಸಾಂಗಾತ್ಯಾಂಕ್, ಕದೆಲಾಂ ಒದಗ್ಸಿಲ್ಲ್ಯಾ ನಿಶಿತ್ ಎರೆಂಜಾರ್ಸ್, ಹರ್ಯೇಕಾ ಸನ್ವಾರ ಇಗರ್ಜ್ ನಿತಳ್ ಕರ್ಚೊ ಪಂಗಡ್, ವೆಬ್ ಸೈಟ್ ಟೀಮ್, ಸೈಮನ್ ಅನಿ ರೋಶನ್ ಫೋಟೊ ಪಂಗಡ್, ಪಿಪಿಟಿ ಕರ್ತೆಲಿ ಟೀಮ್, ಆಶೆಂ ಉಗ್ತಿ ಆನಿ ಗುಪ್ತಿಂ ಸೆವಾ ದಿಂವ್ಚಾ ಹರ್ಯೆಕ್ಲ್ಯಾಕ್ ಕೊಣಾಕಚ್ಚ್ ಸೊಡಿನಾಸ್ತಾಂ ದೇವ್ ಬರೆಂ ಕರುಂ ಮ್ಹಣ್ತಾಂ ಆನಿ ಜಿವಂತ್ ಜೆಜುಚಿ ಆಶೀರ್ವಾದಾಂ ಮಾಗ್ತಾಂ. ಕಳವ್ಣೆಚಾ ಆಖ್ರೇಕ್ ದಾನಿಂಕ್ ಮಾನಾಚಿ ವಾತ್ ದಿತಾಂವ್.

3. ಫೆಸ್ತಾ ವೆಳಾರ್ ತಶೆಂಚ್ ವರ್ಸಾ ಮದೆಂ ಆಲ್ತಾರಿಚೆಂ ಡೆಕೊರೇಶನ್, ಮಾಂಡಾವಳ್ ಕರುಂಕ್ ಆಮ್ಕಾಂ ಕುಮ್ಹಕ್ ಕರ್ಚ್ಯಾ ನಿಸ್ವಾರ್ಥಿ ವಾವ್ರ್ ದಿಂವ್ಚಾ ಕೊವೆಂತಾಚಾ ಧರ್ಮ್‍ಭಯ್ಣಿಂಚೊ, ಸ್ವಯಂ ಪೇರಿತ್ ಪಂಗ್ಡಾಚಾ ಸರ್ವಾಂಚೊ ಪ್ರತ್ಯೇಕ್ ಥರಾನ್ ಉಪ್ಕಾರ್ ಬಾವುಡ್ತಾಂವ್.

4. ಪವಿತ್ರ್ ತ್ರಿದುಮಾಚಾ ತಿನೀ ಸೆರೆಮನಿಂಕ್ ಗಾಯಾನ್ ಕೆಲ್ಲ್ಯಾ ಗಾಯನ್ ಮಂಡಳೆಕ್  ಅನಿ ಹಾಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ಕೊಯಾರ್ ಮೆಸ್ತ್ರಿ, ಶ್ರೀಮಾನ್ ಆನಿಲ್ ಪತ್ರಾವೊ ತಶೆಂಚ್ಚ್ ವಿವಿದ್ ಲಿತುರ್ಜಿಕ್ ಸಂಬ್ರಮಾ ವೆಳಾರ್ ದೇವ್‍ಸ್ತುತೆಕ್ ಲಗ್ತಿ ಜಾಲ್ಲ್ಯಾ ಕಂತಾರಾಂಕ್ ಮುಖೆಲ್ಪಣ್ ದಿಂವ್ಚಾ ಚಾರೀ ಗಾಯಾನ್ ಮಂಡಳೆಚಾ ಸರ್ವ್ ಸಾಂದ್ಯಾಂಚೊ ,ತಾಂಕಾಂ ತರ್ಭೆತ್ ಕರ್ಚ್ಯಾಂಚೊ, ಭುರ್ಗ್ಯಾಂಚಾ ಕೊಯಾರಾಕ್ ಲಿನ್ಸಾ, ಯುವಜಣಾಂಚಾ ಆನಿ ಇಂಗ್ಲಿಷ್ ಕೊಯಾರಾಕ್ ಪ್ರೀಮಾಲ್, ವಾಜಂತ್ರಾಂ ವಾಜಯ್‍ತೆಲ್ಯಾಂಚೊ ಎಕಾಚ್ಚ್ ಉತ್ರಾನ್ ಉಪ್ಕಾರ್ ಬಾವುಡ್ತಾಂವ್. ಬಾವುಡ್ತಾಂವ್ ಆಯ್ಚ್ಯಾ ದಿಸಾಚಿ ಲಿತುರ್ಜಿಂತ್ ವಾಟೊ ಘೆತ್‍ಲ್ಲ್ಯಾಂಕ್ ದೇವ್ ಬರೆಂ ಕರುಂ.

5. ಇಗರ್ಜ್ ನಿತಳ್ ಕರುಂಕ್, ಕದೆಲಾಂ ಮಾಂಡುಂಕ್ ವ್ಹಡ್ ಉರ್ಭೆನ್ ಆಯ್‍ಲ್ಲ್ಯಾ ತಶೆಂಚ್ಚ್ ತಿನೀ ದಿಸಾನಿಂ ವಿವಿದ್ ರಿತಿಚಿ ಮಾಂಡಾವಳ್ ಕರುಂಕ್ ಕುಮೊಕ್ ಕೆಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾ.

6. ಇಗರ್ಜೆಚಾ ದಪ್ತಾರಾಂತ್ ತಶೆಂಚ್ಚ್ ಹೊಲಾಂತ್ ವರ್ತೊ ವಾವ್ರ್ ದಿಂವ್ಚ್ಯಾ ಏಪ್ರೆಮ್, ಪ್ರತಾಪ್, ಘರಾಂತ್ ಆದಾರ್ ದಿಂವ್ಚ್ಯಾ ಮೇಬಲ್ ಬಾಯ್ ಆನಿ ಪ್ರಿನ್ಸಾನ್ ತಶೆಂಚ್ಚ್ ಸಬಾರ್ ಹೆರ್ ವ್ಯಕ್ತಿ ಆದಾರ್ ದಿತಾತ್.

7. ಸಕಾಳಿಂ, ಫೆಸ್ತಾ ದಿಸಾ ತೀನ್ ವಿೂಸಾಂ, 6 ಆನಿ 8 ವರಾರ್ ಕೊಂಕ್ಣೆಂತ್ ಅನಿ 11:30 ವರಾರ್ ಇಂಗ್ಲಿಷ್ ಬಾಷೆಂತ್ ಆಶೆಂ 3 ಮಿಸಾಂ ಆಸ್ತೆಲಿಂ.

8. ಪೋರ್ಚ್ಯಾ ಆಯ್ತಾರಾಚಿ ಕಾಣಿಕ್ ರುಪೈ:- 50,747/-
   ನಿಮಾಣ್ಯಾ ಬ್ರೆಸ್ತಾರಾ ಕಾಣಿಕ್ ರುಪೈ:- 81,574/-
   ನಿಮಾಣ್ಯಾ ಸುಕ್ರಾರ ಕಾಣಿಕ್ ರುಪೈ:- 1,12,144/-
   ಪಾಳ್ಣ್ಯಾಚಿ ಕಾಣಿಕ್ ರುಪೈ:- 20,561/- ತುಮ್ಕಾಂ ದೇವ್ ಬರೆಂ ಕರುಂ.

9. ಆಜ್/ಪಾಲ್ಯಾಂ ಥಾವ್ನ್ ಆಮೊರೆ ವೆಳಾರ್ ಸರ್ಗಾಚೆಂ ರಾಣ್ಯೆ ಉಲೆ ಮ್ಹಣ್ಚೆಂ.

10. Lenten Sacrifice ಕರೆಜ್ಮಾ ವೆಳಾರ್ ತ್ಯಾಗ್ ಸಾಕ್ರಿಫಿಸ್ ಹಾಚೆ ಖಾತಿರ್ ಸಿಓಡಿಪಿ ತರ್ಫೆನ್ ದಿಲ್ಲಿಂ ಕವರಾಂ ಯೆಂವ್ಚ್ಯಾ ಆಯ್ತಾರ ಬಿತರ್ ಪಾವಿತ್ ಕರ್ಚಿಂ.

11. ಪಯ್ಲ್ಯಾ ಕುಮ್ಗಾರಾಚಾ ಭುರ್ಗ್ಯಾಂಕ್ ಸೊಮಾರ ಥಾವ್ನ್ ಸುಕ್ರಾರ ಮ್ಹಣಾಸರ್ ಸಾಂಜೆರ್ 4.30 ಥಾವ್ನ್ 5.30 ವ್ಹರಾಂ ಮ್ಹಣಾಸರ್ ದೊತೊರ್ನ್ ಆಸ್ತೆಲಿ.

12. ಯೆಂವ್ಚ್ಯಾ ಆಯ್ತಾರಾ 7.00 a.m. - ಆಕಾಶ್‍ಭವನ್ ವಾಡ್ಯಾಚಾನಿ ದೇವ್‍ಸ್ತುತಿ ಚಲವ್ನ್ ವರ್ಚಿ.

13. ಯೆಂವ್ಚ್ಯಾ ಸನ್ವಾರ ಸಾಂಜೆರ್ ಸ ವರಾರ್ ಸ್ತ್ರೀ ಸಂಘಟಾನಾಚೆಂ ವಿೂಟಿಂಗ್ ಆಸಾ.

Recent Posts

Parish News

Blossom: Children of Tommorow
Easter Vigil Mass Illuminates Most Holy Redeemer Church with Spiritual Renewal and Hope

Association News

A Day out for the Senior Citizens Club Derebail: Caribbean Sea Resort, Mulki
Senior Citizens Club Members at a Symposium

Ward News

Landlinks Lower Ward at UVA Meridian Amusement Park: A Picnic
Chowki Ward Members Extend Lenten Service to Daya Special School on 25 March 2024

Felicitations

Congratulations Dear Nishal Dsilva 
Happy Birthday Dear Mevin  Lester Quadros