ಕಥೊಲಿಕ್ ಸಭೆಚೆಂ ಪಿಕ್ನಿಕ್ Back

ಕಥೊಲಿಕ್ ಸಭೆಚೆಂ ಪಿಕ್ನಿಕ್

ಕಥೊಲಿಕ್ ಸಭಾ – ದೆರೆಬೈಲ್ ಘಟಕಾಚಾ ಸರ್ವ್ ಹುದ್ದೆದಾರಾಂಕ್, 1 ದಸೆಂಬ್ರ್ 2024 ವೆರ್ ಆಯ್ತಾರಾ ಎಕಾ ದಿಸಾಚೆಂ ಪಿಕ್ನಿಕ್ ಆಯೋಜಿತ್ ಕೆಲ್ಲೆಂ. ಸಕಾಳಿಂ 8.30 ವರಾರ್ ದೆರೆಬೈಲ್ ಹೊಲಾಲಾಗಿಂ ಸಮೆಸ್ತ್ ಸಾಂಗಾತಾ ಜಮ್ಲಿಂ. ಮಾಗ್ಣ್ಯಾ ಸವೆಂ ಆಮ್ಚೆಂ ಪಯ್ಣ್ ಆರಂಭ್ ಜಾಲೆಂ. ವಾಟೆರ್ ದೋನ್ ಪಂಗಡ್ ಕರ್ನ್ ಅಂತಾಕ್ಷರಿ ಖೆಳ್ಳ್ಯಾಂವ್. 9.15 ವರಾರ್ ಆಮಿಂ ಮುಲ್ಕಿ ರಿವರ್ ಶೈನ್ ಕಾಯಾಕಿಂಗ್ – ಹಾಂಗಾಸರ್ ಪಾವ್ಲ್ಯಾಂವ್. ಸಕಾಳಿಂಚೊ ನಾಸ್ಟೊ ಜಾವ್ನ್ ಬೋಟಿಂಗ್ ಕೆಲೆಂ. ಉಪ್ರಾಂತ್ ವಿವಿಧ್ ಖೆಳ್ ಆನಿ ಮನೋರಂಜನ್ ಆಸಾ ಕೆಲ್ಲೆಂ.  ಕೊಂಕ್ಣಿ ಪದಾಂ ಗಾವ್ನ್ ಹೌಸಿ-ಹೌಸಿ ಖೆಳ್ ಖೆಳ್ನ್ ಜಾತಾಚ್ ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿಂ. ದನ್ಪಾರಾಂ ರುಚಿಕ್ ಜೆವ್ಣಾಚಿ ವ್ಯವಸ್ಥಾ ಕೆಲ್ಲಿ. ಜೆವಾಣ್ ಜಾವ್ನ್ ಪರತ್ ಇಲ್ಲೊ ವೇಳ್ ಖೆಳಾಂತ್ ಖರ್ಚಿಲೊ. ಉಪ್ರಾಂತ್ ಸಾಂಜೆಚಾ 4.00 ವರಾರ್ ರೈನ್ ಡ್ಯಾನ್ಸ್ ಕರ್ನ್ ಸಮೆಸ್ತಾಚಿಂ ಮನಾಂ ಧಾಧೊಶಿ ಜಾಲಿಂ. ಸಗ್ಳೊ ದೀಸ್ ನಾಚೊನ್-ಖೆಳೊನ್ ಸಾಂಜೆಚಾ 5.00 ವರಾರ್ ಸಂತೊಸಾನ್ ಪಾಟಿಂ ಪಾವ್ಲ್ಯಾಂವ್.