ದೆರೆಬೈಲ್ ಫಿರ್ಗಜೆಥಾವ್ನ್ ಎಕಾ ದಿಸಾಚೆಂ ಪಿಕ್ನಿಕ್ Back

ದೆರೆಬೈಲ್ ಫಿರ್ಗಜೆಥಾವ್ನ್ ಎಕಾ ದಿಸಾಚೆಂ ಪಿಕ್ನಿಕ್

ಭೋವ್ ಭಾಗೆವಂತ್ ಸೊಡ್ವಣ್ದಾರಾಚಿ ಫಿರ್ಗಜ್ ದೆರೆಬೈಲ್ ಥಾವ್ನ್ ಮೇಯಾಚಾ 5 ತಾರ್ಕೆರ್ BELLE HERITAGE Udupi ಹಾಂಗಾಸರ್ ಎಕಾ ದಿಸಾಚೆಂ ಪಿಕ್ನಿಕ್ ಆಸಾ ಕೆಲ್ಲೆಂ. ವಿಗಾರ್ ಬಾಪ್, ಸಹಾಯಕ್ ವಿಗಾರ್,  ಬಾಪ್ ವಿಕಾಸ್ ತಶೆಂಚ್ ಆಮ್ಚಿಂ ಧರ್ಮ್ ಭಯ್ಣ್ಯೊಂ ಸಿಸ್ಟರ್ ಮರಿಯಾ ಆನಿ ಸಿಸ್ಟರ್ ಸುನಿತಾ ಹಾಂಚೆ ಸವೆಂ ಒಟ್ಟುಕ್ 95 ಜಣಾಂ ದೋನ್ ಬಸ್ಸಾನಿಂ ಭಾಯ್ರ್ ಸರ್ಲ್ಯಾಂವ್. 

ಸಹಾಯಕ್ ವಿಗಾರ್ ಬಾಪ್ ನೆಲ್ಸನ್ ಪೆರಿಸ್ ಹಾಂಚಾ ಮಾಗ್ಣ್ಯಾ ಸವೆಂ 7.30 ವರಾರ್  ಪಯ್ಣ್ ಆರಂಭ್ ಕೆಲೆಂ. 9.15ಕ್ Belle HERITAGE ಹಾಂಗಾಸರ್ ಪಾವ್ಲ್ಯಾಂವ್.
ಥಂಯ್ಸರ್ ಸರ್ವಾಂಕ್ ಸಕಾಳಿಂಚೊ ನಾಸ್ಟೊ ಆಸಲ್ಲೊ. ಉಪ್ರಾಂತ್ ಸರ್ವಾಂ ಲ್ಹಾನಾಂ ತಶೆಂ ವ್ಹಡಾಂ ಸಾಂಗಾತಾ ಮೆಳೊನ್ ಕ್ರಿಕೆಟ್ ತಶೆಂ ಥೊಡೆ Out Door ಖೆಳ್ ಖೆಳ್ಳ್ಯಾಂವ್. ಶ್ರೀಮತಿ ಪ್ರಮಿಳಾ ಫುಟ್ತಾದೊ ಆನಿ ಶ್ರೀಮತಿ ಡೋರಾ ಡಿಕುನ್ಹಾ ಹಾಣಿಂ ಥೊಡೆ ಖೆಳ್ ಮಾಂಡುನ್ ಹಾಡಲ್ಲೆ, ತಶೆಂಚ್ ಹೌಸಿ ಹೌಸಿ ಖೆಳ್ಳ್ಯಾಂವ್. ನಾಚ್ ತಶೆಂಚ್ ಪದಾಂ ಗಾವ್ನ್ ಸರ್ವಾಂ ಸಂತೊಸ್ ಪಾವ್ಲ್ಯಾಂವ್.

ದೊನ್ಪಾರಾಂ ರುಚಿಕ್ ಜೆವಾಣ್ ಜೆವ್ಲ್ಯಾಂವ್. ಉಪ್ರಾಂತ್ ಸ್ವಿಮಿಂಗ್ ಪೂಲ್ ಆನಿ Rain Dance ತ್ ಸರ್ವಾಂನಿ  ಮಜಾ ಕೆಲಿ.‌ಸಾಂಜೆರ್ Snacks ತಶೆಂ ಚಾ ಕಾಫಿ ಆಸಾ ಕೆಲ್ಲಿ. ಸರ್ವ್ ಖಂತ್ ಬೆಜಾರಾಯ್ ದೆಗೆಕ್ ದವರ್ನ್ ಸರ್ವಾಂನಿ ತೊ ದೀಸ್ ಮಜೆನ್ ಖರ್ಚಿಲೊ. ಉಪ್ರಾಂತ್ ಸಾಂಜೆಚಾ 5 ವರಾರ್ ಭಾಯ್ರ್ ಸರ್ನ್ 6.30 ವರಾರ್ ಪಾಟಿಂ ಪಾವ್ಲ್ಯಾಂವ್.