ಸರ್ಕಾರಿ ಸವ್ಲತ್ಯಾಂಚೆಂ ಮಾಹೆತ್ ಶಿಬಿರ್ Back

ಸರ್ಕಾರಿ ಸವ್ಲತ್ಯಾಂಚೆಂ ಮಾಹೆತ್ ಶಿಬಿರ್

ಭಾಗೆವಂತ್ ಸೊಡ್ವಣ್ದಾರಾಚಿ ಪಿರ್ಗಜ್, ದೆರೆಬೈಲ್, ಕಾಮೆಲ್ಯಾಚೊ ಆಯೋಗ್, ಲಾಯಿಕ್ ಆಯೋಗ್ ಆನಿ ಸಾಂಗಾತಾ ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ) ದೆರೆಬೈಲ್ ಹಾಂಚಾ ಜೋಡ್ ಆಸ್ರ್ಯಾಖಾಲ್ ಸರ್ಕಾರಿ ಸವ್ಲತಾಯೆವಿಶಿಂ ಮಾಹೆತ್ ದಿಂವ್ಚೆಂ ಶಿಬಿರ್ 16 ಜೂನ್ 2024 ವೆರ್ ಆಯ್ತಾರಾ ಸಕಾಳಿಂ 9 ಥಾವ್ನ್ ದನ್ಪಾರಾಂ 2 ವರಾಂ ದೆರೆಬೈಲ್ ಹೊಲಾಂತ್ ಮಾಂಡುನ್ ಹಾಡ್ಲೆಂ. ಫಿರ್ಗಜ್ ಉಪಾಧ್ಯಕ್ಷ್ ಮಾನೆಸ್ತಿಣ್ ಶೀಲಾ ಡಿಸೋಜ್ ಹಿಣೆಂ ಮಟ್ವಿ ಮಾಗ್ಣ್ಯಾ ವಿಧಿ ಚಲವ್ನ್ ಶಿಬಿರಾಕ್ ಚಾಲನ್ ದಿಲೆಂ. ಸುಮಾರ್ 119 ಜಣಾಂನಿ ಹ್ಯಾ ಶಿಬಿರಾಚೊ ಫಾಯ್ದೊ ಜೊಡ್ಲೊ. ಹಾಂತು ಸಮುದಾಯ್ ಸಕ್ತೆ ಕೇಂದ್ರ್ ಆನಿ ಮಂಗ್ಳುರ್ ಡಿಜಿಟಲ್ ಸೇವಾ ಕೇಂದ್ರಾ ಥಾವ್ನ್ ಆಯ್ಲೆಲ್ಯಾ ಸಿಬ್ಬಂದಿನಿಂ – ಪಾಸ್ ಪೋರ್ಟ್ (ನವೊ ಆನಿ ರಿನೀವಲ್), ಪೋಲಿಸ್ ವೆರಿಫಿಕೇಶನ್ ಸರ್ಟಿಫಿಕೇಟ್, ಕಟ್ಟಡ ಕಾರ್ಮಿಕ ಕಾರ್ಡ್ (ಪಿಸಿಸಿ), ಅಭಾ ಕಾರ್ಡ್, ಆಧಾರ್ ಕಾರ್ಡ್ ಅಪ್-ಡೇಟ್, ಪಾನ್ ಕಾರ್ಡ್, ಸೀನಿಯರ್ ಸಿಟಿಜನ್ ಕಾರ್ಡ್ ಆನಿ ವೋಟರ್ ಐಡಿ ಕಾರ್ಡ್ ಕರ್ನ್ ದೀವ್ನ್ ಲೊಕಾಂಕ್ ವಿವಿಧ್ ಸರ್ಕಾರಿ ಸವ್ಲತಾಯೊ ಆಪ್ಣಾಂವ್ಕ್ ಕುಮೊಕ್ ಕೆಲಿ.