ಹೆಪ್ಪಿ ಫಾದರ್ಸ್ ಡೇ by ಜ್ಯೂಲಿಯೆಟ್ ಫೆರ್ನಾಂಡಿಸ್(ಮೊರಾಸ್) Back

ಹೆಪ್ಪಿ ಫಾದರ್ಸ್ ಡೇ

ಬಾಳಾಂ ನಾಚೊನ್ ಮಾರ್ತಾತ್ ಉಡಿ
“ಹೆಪ್ಪಿ ಫಾದರ್ಸ್ ಡೇ” ಮ್ಹಣ್ಚಿ ಘಡಿ
ಮೊಗಾ ರಗಾತ್ ವ್ಹಾಳ್ತಾ ಶಿರಾಂನಿ
ವೆಂಗುನ್ ತುಕಾ ಮೊಗಾ ಉಮ್ಯಾಂನಿ

ಬಾಬಾ, ಪಪ್ಪಾ, ಡ್ಯಾಡಿ ಉಮಾಳೆ
ತುಜ್ಯಾ ಮೊಗಾಚೆ ಹುನುನಿ ಕಳ್ವಳೆ
ಕೆದ್ನಾಂ ತುಂ ಯೆತಾಯ್ ಘರಾ
ಬಾಳ್ಕಾಂ ದೊಳೆ ಬಾಗ್ಲಾ ದಾರಾರ್

ಘರ್ಚೊ ಉಜ್ವಾಡಾ ದಿವೊ ತುಂ
ಕುಟ್ಮಾ ಜಿವಿತಾ ವ್ಹಡಿಲ್ ತುಂ
ಕುಟ್ಮಾಚೊ ಆರ್ಸೊ ತುಂ
ಬಾಯ್ಲ್ ಭುರ್ಗ್ಯಾಂಚೆಂ ಕಾಳಿಜ್ ತುಂ

ಭುರ್ಗ್ಯಾಂಕ್ ಆದರ್ಶ್ ದಾತಾರ್ ತುಂ
ತಾಂಚಾ ಜಿವಿತಾ ಫುಡಾರ್ ತುಂ
ಬಾಪಾಯ್ ಪಣಾಕ್ ಕರುನ್ ಪ್ರಣಾಮ್
ತ್ಯಾಗಾಕ್ ತುಜ್ಯಾ ಕರ್ತಾತ್ ನಮಾನ್

ಹಾಸ್ಯಾಂತ್ ತುಜ್ಯಾ ಕುಟಾಮ್ ಮಿಸ್ಳಾತಾ
ಸುಖಾದುಖಾಂತ್ ಸಂಗಿಂ ಭರ್ಸಾತಾ
ತುಂ ಪಿಕ್ತಾನಾ ಆಧಾರ್ ಜಾತಾ
ತುಜೆವಿಣೆಂ ರಿತೆಂ ಜಾತಾ.

ಜ್ಯೂಲಿಯೆಟ್ ಫೆರ್ನಾಂಡಿಸ್(ಮೊರಾಸ್)
ಕೊಟ್ಟಾರ ಕ್ರಾಸ್ ವ್ಹಾಡೊ