ರಾಜ್ಯೋತ್ಸವ್ ತುರ್ಬೆಂತ್ ಫುoಕೊಯ್ಯಾಂ by ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) Back

ರಾಜ್ಯೋತ್ಸವ್ ತುರ್ಬೆಂತ್ ಫುoಕೊಯ್ಯಾಂ

ಸೊಭಿತ್ ಗುಡೆ ದೊಂಗೊರ್
ಮದ್ಗಾತ್ ನಿದ್ಲೆಲೆ ಕಾಳೆ ಫಾತೊರ್
ಜುಳು ಜುಳು ವ್ಹಾಳ್ಚ್ಯೊ ನ್ಹಂಯೊಂ
ಗದೆ, ಭುಂಯ್ , ಭಾಟಾಂ, ಬಾಂಯೊಂ
  ಪಾವ್ಸಾಳೆ ಚಿಟಿ ಚಿಟಿ ಕಣ್
  ಪಾಚ್ವಿ ಕರುನ್ ಧರ್ತಿ ವರ್ಣ್
  ಉಂಚಾಯೆಕ್ ದಾಲ್ಚಿಂ ರೂಕ್ - ಝಡಾಂ
   ಸುಕ್ಣಿ ಗಾಯ್ತಾತ್ ಚಿಲಿಪಿಲಿ 
    ಗಾನಾಂ
ಸೊಭಿತ್ ಕರ್ನಾಟಕ್ ಆಮ್ಚೆಂ
ಬಿಡಾರ್ ವಿವಿಧ್ ಧರ್ಮಾಂಚೆಂ
ವೆವೆಗ್ಳಿ ಮಾಂಯ್ ಭಾಸ್ ತರಿ
ಕನ್ನಡ ಆಮ್ಚಿ ರಾಜ್ಯ್ ಭಾಸ್
  ಹ್ಯಾರಿ , ಹ್ಯಾರಿಸ್, ಹರೀಶ್
  ನಾಂವಾಂನಿ ಥೊಡೊ 
   ವ್ಯತ್ಯಾಸ್
   ಸರ್ವಾಂ ಶಿರಾಂನಿ ವ್ಹಾಳ್ತಾ
   ತೆಂಚ್ ತಾಂಬ್ಡೆ ರಗತ್
ರಾಗ್ , ದ್ವೇಷ್ ಕಿತ್ಯಾಕ್
ಧರ್ಮ್ ಪಂಗಡ್ ನಾಕಾತ್
ಕಾಳ್ಜಾಂ - ಮನಾಂ ಎಕ್ ಕರುನ್
ಬಾಂದ್ಯಾ ಕರ್ನಾಟಕ್ ರಾಜ್ಯ್
   ಕನ್ನಡ ರಾಜ್ಯೋತ್ಸವ ದಿಸಾ
    ರಾಜ್ಯೋತ್ಸವ್ ತುರ್ಬೆಂತ್ 
    ಫುoಕೊಯ್ಯಾಂ
    ಎಕಾಮೆಕಾ ಉಲ್ಲಾಸುನ್
    ರಾಜ್ಯೋತ್ಸವ್ 
    ಆಚಾರ್ಸಿಯಂ

ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್)
ಕೊಟ್ಟಾರ ಕ್ರಾಸ್ ವಾಡೊ