ಮಿಸಾಂವ್ by ಶ್ರೀಮತಿ ಜೆಸಿಂತ್ ಮಸ್ಕರೇನಸ್ Back
ಮಿಸಾಂವ್
ಹರ್ಯೇಕ್ ಭೆಸಾಂಚ್ಯಾಂಕ್ ಆಸಾ ಏಕ್ ಮಿಸಾಂವ್
ಜಾಯ್ ಹಾಕಾ ತ್ಯಾಗ್, ಎಕ್ವಟ್, ಸೊಸ್ಣಿಕಾಯ್ ಆನಿ ಬರೆಂ ಲಿಸಾಂವ್
ಸತ್, ಪ್ರಾಮಾಣಿಕ್ಪಣ್, ನ್ಯಾಯ್ ಆನಿಂ ಮೋಗ್‍ಜಾಂವ್ದಿ ಆಮ್ಚೆಂ ತೆಸಾಂವ್
ಸರ್ವ್ ಜಾತಿಂಚ್ಯಾ ಭಾವ್ ಭೈಣಿ ಸಂಗಿ ಮೊಗಾನ್ ಜಿಯೆವ್ಯಾಂ ಘೆವ್ನ್ ದೆವಾಚೆಂ ಬೆಸಾoವ್.
ಕಾಜಾರಿ ಭೆಸಾಂಚ್ಯಾಂಕ್ ದೆವಾನ್ ವಿಂಚ್ಲ್ಯಾಂತ್ ಮೊಗಾನ್ ಜಿಯೆಂವ್ಕ್
ಸುಖಾಂತ್ ದುಖಾಂತ್ ಸೊಡ್‍ದೊಡ್ ಕರ್ನ್ ಸಾಂಗಾತಾ ರಾವುಂಕ್
ಭುರ್ಗ್ಯಾಂಕ್ ಬರೆ ಸಂಸ್ಕಾರ್ ದೀವ್ನ್ ಆದರ್ಶ್ ಕುಟಾಂಬ್ ಬಾಂದುಂಕ್
ಸಮಾಜೆಂತ್ ಕ್ರಿಸ್ತೀ ಮೌಲ್ಯಾಂನಿ ಜಿಯೆವ್ನ್ ಸುವಾರ್ತಾ ಪ್ರಸಾರುಂಕ್.
ಧಾರ್ಮಿಕಾಂ ಆಪ್ಲ್ಯಾ ಕ್ಷೇತ್ರಾಂತ್ ದಿತಾತ್ ಸೆವಾ ಮೊಗಾನ್
ಶಿಕ್ಷಣ್ ಕ್ಷೇತ್ರಾಂತ್, ಭಲಾಯ್ಕೆ ಕ್ಷೇತ್ರಾಂತ್ ಆನಿಂ ಆಶ್ರಮಾಂನಿ ವಾವುರ್ತಾತ್ ತಿಂ ಪ್ರಾಮಾಣಿಕ್ಪಣಾನ್
ಕಷ್ಟಾಂಚೆ ಆನಿಂ ಶಿಸ್ತೆಚೆಂ ಜೀವಿತ್‍ತಾಂಚೆ ಭೆಟೆಯ್ತಾತ್‍ದೆವಾಕ್ ದೀನ್‍ಪಣಾನ್
ಪರ್ಗಟ್ತಾತ್ ತಿಂ ಕ್ರೀಸ್ತಾಕ್ ತಾಂಚೆ ಸೆವೆದ್ವಾರಿಂ ಹರ್ಯೆಕಾ ಮೆಟಾನ್.
ಆಂಕ್ವಾರ್‍ಪಣಾಚೆಂ ಜೀವಿತ್ ಜಿಯೆತಾತ್ ಸಭಾರ್
ಭೆಟವ್ನ್ ಆಪ್ಲೆಂ ಜೀವಿತ್ ದೆವಾಕ್ ಹ್ಯಾ ಸಂಸಾರಾರ್
ಉತರ್ ಪ್ರಾಯೆರ್ ಕಷ್ಟಾತಾತ್ ಎಕ್ಸುರ್ಪಣಾಂತ್
ತರೀ ದೆವಾಚೆ ಮಿಸಾಂವ್ ಪೊಂತಾಕ್ ಪಾಯ್ತಾತ್ ಜಿಣ್ಯೆ ಸಮರ್ಪಣಾಂತ್.
ಸಗ್ಲ್ಯಾ ಸಂಸಾರಾರ್ ಲೋಕ್ ಕಷ್ಟಾತಾ ಕ್ರೀಸ್ತಾಚಿ ಸುವಾರ್ತಾ ಮೆಳಾನಾಸ್ತಾಂ
ಧಾರ್ಮಿಕಾಂನಿ ಆನಿಂ ಲಾಯಿಕಾಂನಿ ಸುವಾರ್ತಾ ಪ್ರಸಾರುಂಕ್ ಜಾಯ್ ಉಬ್ಗಾನಾಸ್ತಾಂ
ಆಪ್ಲ್ಯಾ ಘರಾಂತ್, ವಾಡ್ಯಾಂತ್, ಫಿರ್ಗೆಜೆಂತ್ ಆನಿಂ ಸಮಾಜೆಂತ್ ಜಾತ್ ಕಾತ್ ಪಳೆನಾಸ್ತಾಂ
ಹೆರ್ ಜಾತಿಂ ಮದೆಂ ಕ್ರೀಸ್ತಿ ಮೌಲ್ಯಾಂ ಉಕಲ್ನ್ ಧರ್ನ್ ಕ್ರಿಸ್ತಾಕ್ ಸಾಕ್ಸ್ ದಿವ್ಯಾಂ ಭಿಯೆನಾಸ್ತಾಂ.
ಶ್ರೀಮತಿ ಜೆಸಿಂತ್ ಮಸ್ಕರೇನಸ್
ಗೊಲ್ಲಾಚಿಲ್ ವ್ಹಾಡೊ
