ಭರ್ವಾಸೊ By ಫೆಲ್ಸಿ ಲೋಬೊ Back

ಭರ್ವಾಸೊ

ಕೆನ್ನಾಂಯ್ ಚಾಂದ್ಣೆಂ ಆಸತ್
ಮ್ಹಣೊಂಕ್ ಜಾಯ್ನಾ
ಕಾಳ್ಕಿ ರಾತ್ ತಿಳ್ತಾನಾಂಯ್
ಸಾವ್ಳಿ ನಾಸ್ಚೆಂ ಭ್ಯೆಂ
ಪಾಟ್ಲಾವ್ ಕರ್ತಾ.

ಆಪ್ಲ್ಯಾಂನಿ ಕಶ್ಟಾಂ ವೆಳಾ
ಲಾತ್ ದಿತಾನಾ
ಜಿವಿತಾ ಪಾನ್ ಝಡ್ಲೆಂಚ್
ಮ್ಹಣೊಂಕ್ ಜಾಯ್ನಾ
ನವಿ ಪಾಲ್ವಿ ಉದೆತಾ

ಕೊಣಾಚೊಚ್ ಆಸ್ರೊ ನಾ
ಆಶೆಂ ಭಗ್ಣಾಂಕ್
ಉಜೊ ಲಾಗ್ತಾನಾ 
ಭರ್ವಾಶ್ಯಾಚೆ ದೊವಾ ಥೆಂಬೆ
ದೆವಾನ್ ಧಾಡುಂಕ್ ಚಡ್ ವೇಳ್ ನಾ

ಪೊಟಾಕ್ ವ ಪಾಟಿಕ್
ಮಾರುನ್ ಕೊಣ್ ಯ್
ಸೊಭಾಯ್ ತುಜಿ ದೆಖ್ತಾನಾ
ಬುಡ್ ಲ್ಲ್ಯಾ ಸುರ್ಯಾಕ್
ಉದೆವ್ನ್ ಏಂವ್ಕ್ ಚಡ್ ವೇಳ್ ಲಾಗಾನಾ

ಭರ್ವಾಸ್ಯಾಚೆಂ ಸುತ್ ಪುರೊ
ಕಷ್ಟಾಂ ಸಾಗೊರಾಂತ್ಲೊ
ವಯ್ರ್ ಎಂವ್ಚ್ಯಾಕ್
ರಚ್ಲೆಲ್ಯಾಕ್ ತುಜಿ ವಿಸರ್ ಪಡ್ಚಿನಾ
ಎಕ್ಸುರ್ಯಾಚೆಂ ತಾಕಾ ಖೂಬ್ ಗುಮಾನ್

 ಫೆಲ್ಸಿ ಲೋಬೊ