ಪಾವ್ಸಾ ಗಮ್ಮತ್ by ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) Back

ಪಾವ್ಸಾ ಗಮ್ಮತ್

ಗೀಮಾಳ್, ಪಾವ್ಸಾಳ್, ಹಿಂವಾಳ್
ಕಾಳ್ ತೆ ಆದ್ಲೆ
ಆತಾಂ ನವೊ ಕಾಳ್ ಉದೆಲಾ
ಭಿತರ್ ಬಸಾ ಸಗ್ಳೆ.

ದೆರೆಬೈಲ್ ಸ್ತ್ರೀಯೊ ಆಮಿ
ಧಯ್ರಾನ್ ಮುಖಾರ್ ಸರ್ಲ್ಯಾಂವ್
ಪಾವ್ಸಾ ಗಮ್ಮತ್ ಆಚಾರ್ಸುಂಕ್
ಸಭಾ ಸಾಲಾಂತ್ ಜಮ್ಲ್ಯಾಂವ್.

ಪಣ್ಸಾ ಪಾತೊಳ್ಯೊ , ಪತ್ರಾಡೆ, ಗರಿಯೊ
ಖುಬೆ ಮುಟ್ಲಿಂ, ಕೀರ್ಲ್ ಮೂಗ್
ವಿವಿಧ್ ಪಾವ್ಸಾ ಪೊಳಿ ಕರುನ್
ಬಾಯೊ ಆಮಿ ಆಯ್ತೆಂ ಜಾಲ್ಲ್ಯಾಂವ್.

ಸಗ್ಳಿ ಮೆಳೊನ್ ಯೆಯಾ
ಪಾವ್ಸಾ ಗಮ್ಮತ್ ಕರ್ಯಾಂ
ಖಂತ್ ಬೆಜಾರಾಯ್ ಸಾಂಡುನ್
ಒಟ್ಟು ಮೆಳೊನ್ ಸೆವ್ಯಾಂ.

ಖಾಣ್ ಕುಡಿಕ್ ಘಟಾಯ್
ಮೋಗ್ ಕಾಳ್ಜಕ್ ಥಂಡಾಯ್
ಎಕ್ಟಟ್, ಬರೆಂ ಮನ್ ಆಸೊಂ ಸದಾಂ
ಸರ್ವಾಂಕ್ ಬರೆಂ ಮಾಗ್ಯಾಂ.

ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್)
ಕೊಟ್ಟಾರ ಕ್ರಾಸ್ ವಾಡೊ