ಪಪ್ಪಾ ಮ಼ಜ್ಯಾ By ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್)  Back

ಪಪ್ಪಾ ಮ಼ಜ್ಯಾ 

ಆವಯ್ ಗರ್ಭಾಂತ್ ಲಿಪೊನ್  ಆಸ್ಲಿಂ, 
ಪೃಥ್ವಿ ಪಳೆಂವ್ಕ್ ಭುಂಯ್ ಪಡ್ಲಿಂ, 
ಆವಯ್ ಪಾಸ್ತಿ ಸೊದ್ಚ್ಯಾ ಫುಡೆಂ, 
ತುಜ್ಯಾ ಹಾತಿಂ ಹಾಂವ್ ಪಾವ್ಟಿಂ. 
ತುಜೊ ಮ಼ಜೊ ಆಂಜಾಳ್  ಸ್ಪರ್ಶ್, 
ಹರ್ಧ್ಯಾಕ್ ಧಾಂಬೊನ್ ಧರ್ಲೆಂಯ್ ಮ಼ಕಾ, 
ಸಂತೊಸಾಚ್ಯಾ ಉಮಾಳ್ಯಾಂನಿ, 
ರಡೊನ್ ಸ್ಪಂದನೆ ಕೆಲೆಂ ತುಕಾ. 
ಹಾತ್ ಧರುನ್ ಮೆಟಾಂ ಕಾಡ್ಲಿಂ,
ಗೊದ್ದೆಂ ಗೊದ್ದೆಂ ಉಲಂವ್ಕ್ ಶಿಕ್ಲಿಂ, 
ಪಾಟಿರ್ ಬಸೊನ್ ತುಜ್ಯಾ ಖೆಳ್ಳಿಂ
ತುಂ ಘೊಡೊ ಹಾಂವ್ ಸವಾರ್ ಜಾಲಿಂ.
ಸೈಕಲಾರ್ ಬಸೊನ್ ಇಸ್ಕೊಲಾಕ್ ವೆಲೆಂಯ್,
ಶಿಕಾಪ್ ದಿಲೆಂಯ್,ಫುಡಾರ್ ದಿಲೊಯ್,
ಘಾಮ್ ಪಿಳೊನ್ ತ್ಯಾಗ್ ಕರುನ್, 
ತುಂ ಆಜ್ ನಾ ಜಾಲೊಯ್. 
ಪಪ್ಪಾ ತುಂ ನಾಂಯ್ ತರಿ, 
ರಗಾತ್ ತುಜೆಂ ವಾ಼ಳ್ತಾ ಶಿರಾಂನಿ,
ಚಿಂತುನ್ ತುಕಾ ರಡ್ತಾ ಕಾಳಿಜ್, 
ಪೊವ್ಳಾಂ ವ಼ಾಳ್ತಾತ್ ಮ಼ಜ್ಯಾ ದೊಳ್ಯಾಂನಿ. 
ಆಸ್ತ್ ಬದಿಕ್ ಕಿತೆಂಚ್ ನಾಕಾ, 
ಮೊಗಾಳ್ ಬಾಪಯ್ ಆಸ್ಲ್ಯಾರ್ ಪುರೊ, 
ಬಾಪಯ್ ಶಿವಾಯ್ ವಾಡ್ತೆಲ್ಯಾ ಬಾಳಾಂಕ್, 
ದೂಖ್ ಸೊಸುಂಕ್ ತಾಂಕ್ ದಿ ದೆವಾ. 
ಬಾಪಾಯಾಂಚ್ಯಾ ಹ್ಯಾ ಭಾಗಿ ದಿಸಾ, 
ಸಂಸಾರ್ ತುಕಾ ಮಾನ್ ಕರ್ತಾ, 
ಪ್ರಣಾಮ್ ಮ಼ಜ್ಯಾ ಜೀವ್ ದಾತಾರಾ, 
ರುಪ್ಣೆಂ ತುಜೆಂ ಕಾಳ್ಜಾಂತ್ ಮ಼ಜ್ಯಾ. 
                     

ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) 
ಕೊಟ್ಟಾರ್  ಕ್ರಾಸ್  ವಾಡೊ.