ನತಾಲಾಂ ಫೆಸ್ತಾ ರಾತಿಂ by ಜ್ಯೂಲಿಯೆಟ್ ಫೆರ್ನಾಂಡಿಸ್  (ಮೊರಸ್) Back

ನತಾಲಾಂ ಫೆಸ್ತಾ ರಾತಿಂ

ನತಾಲಾಂ ಫೆಸ್ತಾ ರಾತಿಂ
ಮೆಳ್ಳ್ಯಾoಮಿ ಸಂಗಿಂ,
ಹೆಪ್ಪಿ ಕ್ರಿಸ್ ಮಸ್ ಭಾಗಿ ನತಾಲ್, 
ಕಾಳ್ಜಾo ಮನಾಂ ರಂಗೀನ್.

ಗ್ಲೋರಿಯಾ ಇನ್ ಎಕ್ಸ್ ಚೆಲ್ಲಿಸ್ ದೇಹಿ ,
ಭಡ್ವೆ ಗಯ್ತಾತ್ ಆಕಾಶಿಂ ,
ಜಿಂಗಲ್ ಬೆಲ್ಸ್ , ಜಿಂಗಲ್ ಬೆಲ್ಸ್,
ಬಾಳಾಂ ಗಯ್ತಾತ್ ದಾದೊಶಿ.

ಜೆಜು ಬಾಳೊಕ್ ಜಲ್ಮಾಲಾ,
ಸಂಸಾರಿಂ ಸಂತೊಸ್ ಹಾಡ್ಲಾ,
ಆಂಜಾಳ್  ಬಾಳಾಂ ಸಂಗಿಂ ಮೆಳೊನ್,
ಆಮಿ ಸಂತೊಸ್ ಪಾವ್ಯಾo.
 
ಗರ್ಧನಾ ಗೊಟೊ ಕ್ರಿಸ್ ಮಸ್ ಟ್ರೀ ,
ನಕ್ತಿರಾಂ ಉಜ್ವಾಡ್  ಆಕಾಶಿಂ,
ಪಿಡಾಶಿಡಾ ಪಯ್ಸ್ ಸರುಂ ,
ಜಿವಿತ್ ಪ್ರಕಾಸಾನ್ ಭರುಂ.

ಖಂತ ಬೆಜಾರಾಯ್ ಸೊಡ್ಯಾಂ ,
ಉಲ್ಲಾಸಾನ್ ಮನಿಂ ಧಲ್ಯಾಂ ,
"ಫೆಲಿಸ್ ನಾವಿದಾದ್" ಗಾವುನ್,
ಸರ್ವಾಂ ಉಲ್ಲಾಸಿಯಾo. 

ಸಂಸಾರ್ ಉಲ್ಲಾಸಾನ್ ಫುಲ್ಲಾಂ,
ಬಾಳ್ಕಾ ತುಕಾ ನಮಾನ್,
ಸಂತೊಸ್ಭರಿತ್ ನತಾಲಾಂ ಫೆಸ್ತ್ ,
ಭಾಗಿ  ನವೆಂ  ವರಸ್ 

ಜ್ಯೂಲಿಯೆಟ್ ಫೆರ್ನಾಂಡಿಸ್  (ಮೊರಸ್)
ಕೊಟ್ಟಾರಾ ಕ್ರಾಸ್ ವಾಡೊ