ತುಜ್ಯಾ ಮೆಟಾಂಚ್ಯೆ ಸಾವ್ಳೆಂತ್ by ಫೆಲ್ಸಿ ಲೋಬೊ Back

ತುಜ್ಯಾ ಮೆಟಾಂಚ್ಯೆ ಸಾವ್ಳೆಂತ್

ಗಾಂಧಿಪರಿಂ ಕರ್ತಾ, ಅಶೆಂ ವೊಲಾಯ್ಲ್ಯಾರಿ
ನಾ ಪರ್ವಾ ಮ್ಹಾಕಾ, 
ತುಜ್ಯಾ ಸತಾಂಚ್ಯೆ ವಾಟೆ ವಯ್ಲ್ಯಾ
ಮೊಗಾನ್ ವೆಂಗ್ಲಾಂ ಮ್ಹಾಕಾ...

ಹೊ ಏಕ್ ವ್ಹಡ್ ಗಾಂಧಿ, ಅಶೆಂ ಕುಲ್ಪಾಂನಿ
ತುಕ್ಲಾಯ್ಲ್ಯಾರೀ ನಾ ಪರ್ವಾ,
ತುಜ್ಯೆ ಅಹಿಂಸೆಚ್ಯಾ ಮಾರ್ಗಾನಿಂ
ಅರಾವ್ನ್ ಧರ್ಲಾಂ ಮ್ಹಾಕಾ...

ಆಯ್ಲೊ ಆನ್ಯೇಕ್ ಗಾಂಧಿ, ಅಶೆಂ ಪಾಟ್ಲ್ಯಾನ್
ಎಟ್ಲ್ಯಾರಿ ನಾ ಪರ್ವಾ,
ತುಜ್ಯಾ ದೇಶ್ ಪ್ರೇಮಾಚಿ ಊಭ್
ಶಿರಾಂನಿ  ವ್ಹಾಳೊಂಕ್ ಲಾಗ್ಲ್ಯಾ ಹಾಂಗಾ...

ಹಾಚಿ ಏಕ್ ಗಾಂಧಿಗಿರಿ, ಅಶೆಂ ಪುಸ್ಪುಸ್ಲ್ಯಾರಿ
ನಾ ಕಸ್ಲಿಚ್ ಪರ್ವಾ ಮ್ಹಾಕಾ...
ಮೊಗಾಚ್ಯಾ ಗಾಂಧಿ,
ತುವೆಂ ಸೊಡುನ್ ಗೆಲ್ಲಿಂ ಪವಿತ್ರ್
ಮೆಟಾಂಚ್ ಪುರೊ ಮ್ಹಾಕಾ
ತಾಂಚ್ಯೆ ಸಾವ್ಳೆಂತ್  ದೆಖ್ತಾಂ ತುಕಾ.....

 

- ಫೆಲ್ಸಿ ಲೋಬೊ