ಜೀಕ್ by ಫೆಲ್ಸಿ ಲೋಬೊ Back

ಜೀಕ್

ದೆವಾಳಾಚ್ಯಾ ಕೊನ್ಶ್ಯಾರ್
ಕೊವ್ಳೊನ್ ಪಡೊನ್ ಆಸ್ ಲ್ಲ್ಯಾ
ಮ್ಹಜೊ ಏಕ್ ಕುಡ್ಕೊ
ತ್ಯಾ ದನ್ಪಾರಾಂ
ತಾಣೆ ಬಳಾನ್ ವೊಡ್ನ್
ವಿಣ್ಲೆಂ ಏಕ್ ಚಾಬೂಕ್..

ಅರ್ಣುನ್ ಧರ್ ಲ್ಲ್ಯಾ ತ್ಯಾ
ಮುಟಿಂತ್ ಸತಾ ನಿತಿಕ್
ಸಳ್ಸಳ್ಚ್ಯಾ ರಗ್ತಾಚಿ ಊಭ್
ಚಾಕ್ಲಿ ಹಾವೆಂ...

ದೆವಾಳಾಂತ್ಲೊ ಭಾಯ್ರ್ ಎತಚ್
ಬಳಾನ್ ಉಡಯ್ಲೆಂ
ಶಿರ್ಕಾಲಿಂ ದೆವಾಳಾ ಬಗ್ಲೆಚ್ಯಾ
ಜಯ್ತ್ ರುಕಾ ಫಾಂಟ್ಯೆಕ್....

ತ್ಯಾಚ್ ಕೊಂಡ್ಲ್ಯಾಚೊ ಆನ್ಯೇಕ್
ಕುಡ್ಕೊ ಪರತ್ ಆಜ್
ವೊಡ್ಲೊ ಆನ್ಯೇಕ್ಲ್ಯಾನ್ ಬಳಾನ್
ರಾಗ್ , ಸಲ್ವೊಣಿ, ಲಜ್
ಜಿವಿತಾಚೊ ಕಾಂಟಾಳೊ
ತ್ಯಾ ಮುಟಿಂತ್ ಖತ್ಕತ್ತಾಲೊ...

ತೊಚ್ ರೂಕ್..
ಚಾಬೂಕ್ ಧಲೊನ್ ಆಸ್ ಲ್ಲೆಂ
ಬಗ್ಲೆಚ್ಯಾ ಫಾಂಟ್ಯಾರ್
ಅರ್ಣೊನ್ ಎತಾಲೊ ಪಾಸ್ ಮ್ಹಜೊ.....
ತ್ಯಾ ಕಾಳ್ಕ್ಯಾ ರಾತಿ
ಸತ್ ಜಿಕ್ ಲ್ಲೆಂ
ಅಸತ್ ಸಲ್ವಾಲ್ಲೆಂ....

     ---   ಫೆಲ್ಸಿ ಲೋಬೊ.