ಕೊಂಕ್ಣಿ  ಉಲಯ್  by ಮರ್ಲಿನ್.ದೆರೆಬಯ್ಲ್. Back

ಕೊಂಕ್ಣಿ  ಉಲಯ್ 

ಕೊಂಕಣ್  ಮಾಯೆಕ್ ಹಾಂವ್ ಪ್ರಣಾಮ್ ಕರ್ತಾಂ. 
ಕೊಂಕ್ಣಿಚಿ  ಕೀರ್ತ್ ಗಾಝಯ್ತಾಂ. 
ಕೊಂಕಣ್ ಮಾಯೆ ತುಕಾ ವಂದನ್ ಕರ್ತಾಂ 
ಕೊಂಕ್ಣಿ ಭಾಸ್ ಫುಲಯ್ತಾ. 

ಕೊಂಕಣ್ ಗಾವಾಂತ್ ತುಂ ಕೊಂಕ್ಣಿ ಉಲಯ್. 
ಕೊಂಕ್ಣಿ ಭಾಸ್ ತುಜ್ಯಾ ವೊಂಟಾರ್ ಖಳಾಯ್. 
ಕೊಂಕ್ಣಿ  ಭಾಸ್ ಉಲೊಂವ್ಕ್ ಲಜೆನಾಕಾಯ್. 
ಕೊಂಕ್ಣೆಚಿ ಕೀರ್ತ್ ಸಗ್ಳ್ಯಾ ಸಂಸ್ರಾರ್ ಗಾಝಯ್. 

ಕೊಂಕ್ಣಿ  ಆಮ್ಚಿಂ ಮೊಗಾಚಿ ಭಾಸ್. 
ಕೊಂಕ್ಣಿ  ಆಮ್ಚೊಂ ಸರ್ವಾಂಚೊ ಸ್ವಾಸ್. 
ಕೊಂಕ್ಣಿ ಉಲೊಂವ್ಕ್ ಭೊಗ್ತಾ ವರ್ತೊ ಸೊಂತೊಸ್. 
ಕೊಂಕ್ಣೆ  ಆಮಿಂ,  ಉಲೊಂವ್ಯಾಂ ಕೊಂಕ್ಣಿ ಭಾಸ್. 

ದೇಶ್ ವಿದೇಶಾಂತ್  ತು ಪಾವ್ಲ್ಯರೀ, 
ಜಾಯ್ತ್ಯೊ ಭಾಸೊ ತುಂ ಶಿಕ್ಲಾರೀ 
ಮೋಗ್  ಆಸೊಂದಿ ತುಕಾ, ಮಾಂಯ್ ಭಾಸೆಚೆರೀ, 
ಉಲಯ್ ಕೊಂಕ್ಣಿ ಭಾಸ್, ತುಂ ಕಂಯ್ ಗೆಲ್ಯಾರೀ. 

 ಮರ್ಲಿನ್.ದೆರೆಬಯ್ಲ್.