ಕುಳಾರ್ಚೆ ವಾಟೆರ್ by Felcy Lobo Back

ಕುಳಾರ್ಚೆ ವಾಟೆರ್

 

ಪೊಟಾಭುಕೆ ಹುಲಪ್ ನಿವಂವ್ಕ್

ನಾ ದಿಸ್ತ್ಯಾ ಗಾಂವಾ ವಾಟೆಕ್ ಲಾಗ್ಲಿಂ

ರಂಗಾಳ್ ಸಪ್ಣಾಂ ಫಿಂತಾಂ ಘುಂತ್ಲೆಲೆ

ಲಾಂಬ್ ವಾಟೆಕ್ ಮೊನೆಪಣಾಲಿ ವೇಂಗ್

 

ಉಬ್ಗೊಣೆವಿಣ್ ಆವಾಜ್ಚ್ಯಾ ಶ್ಹೆರಾ

ಯಾಂತ್ರಿಕ್ ಸಾರ್ತಾಲೆಂ ಜಿವಿತ್

ದೀಸ್ ರಾತ್ಚ್ಯಾ ಘಾಮಾ ಶಿವೊರಾಂತಿ

ಶಾಣ್ಯಾಂನಿಂ ಆರಾಯಿಲ್ಲಿಂ ದೆಣಿಂ

 

ಉಸ್ಟ್ಯಾ ಧುವಾಪ್ ಘರ್ ಘರಾರಿ

ವಿಶೆವ್ ನಾಸ್ಲೆಲೆಂ ಜಿವಿತ್

ಆಪ್ಲೆಂ ಮ್ಹಳ್ಳೆಲೆಂ ನಾ ನಾಂವ್ ವಳಕ್

ಪೊಸೊಭರ್ ಜೊಡ್ಲೆಲ್ಯಾಂತ್ ಚ್ ದಾದೊಸ್

 

ಪಿಡಾ ಕಶ್ಟಾಂ ವಾರ್ಯಾ ಪಾವ್ಸಾರಿ

ಸಮಸ್ಯಾಂಚೆ ಕಾಂಟ್ಯೆರಿ

ಸಲ್ವೊಣೆಚೆಂ ನಾತ್ಲೆಂ ಸವಾಲ್

ಸಲ್ವಾಲ್ಯಾರಿ ಮ್ಹಜ್ಯಾಂಚೊ ನಾ ತೆಂಕೊ

 

ಕುಳಾರ್ಚೆ ಯಾದಿಂ ಸುಳಿಯೆಂತ್

ರಾತ್ ದೀಸ್ ಭರ್ ಘುಂವಳ್

ಸುಕ್ಯಾ ಲಾಂಕ್ಡಾಕ್ ಭಗ್ಣಾಂ ರಂಗ್

ಚಿಡ್ಕೊನ್ ಉರ್ನಾಸ್ಲೊ ಆಜ್ ಕಾಲ್

 

ಮಧ್ಯಾನೆರ್ ಎಕಾಚ್ ಫರಾ

ಕುಳಾರಾ ಕುಶಿನ್ ಫುಡ್ ಕರುನ್ 

ನಿದ್ ಲ್ಲ್ಯಾ ಸೊಪ್ಣಾಕಿ ಸತ್ ಜಾಂವ್ಚಿ ಸಂಧಿ

ಪಿಂಪ್ರ್ಯಾಂಕ್ ಹಾಂಡಿ ಮಾರ್ನ್

ಚಲತ್ ರಾವ್ಲ್ಯಾಂ ಕುಳಾರ್ಚೆ ವಾಟೆನ್

 

  By Felcy Lobo | Ward: Landlinks Lower