ಕೊಲಿತ್ - by ಫೆಲ್ಸಿ ಲೋಬೊ Back

ಕೊಲಿತ್

ಪೊರ್ಚ್ಯಾ ಪಯ್ರ್ ಕಾವ್ಳ್ಯಾ
ಬೊಂಚಿ ಥಾವ್ನ್ ಝಡೊನ್
ಆಮ್ಚ್ಯಾಚ್ ಪಾಂಯಾ ಮುಳಾಂತ್
ವಾಡ್ ಲ್ಲ್ಯಾ ಹಾಚ್ಯಾ ಬೊಗ್ಣಾಂಕ್
ಘೆವ್ನ್ ವಾರೆಂ ಬಳಾನ್ ವ್ಹಾಳ್ಳೆಂ...

ತ್ಯಾ ಎಕಾ ದಿಸಾ,
ಕಾಂಟೆ ಝಾಡ್ಕುಟಾಂ, ವಾಲಿ
ಬೊನಾಂ ಸೊವುರ್ನ್
ತೆ ಮ್ಹಜ್ಯಾಚ್ ಧೊಂಪ್ರಾಂ
ಬಗ್ಲೆ ಪಾವ್ ಲ್ಲೆ ಪಾಜ್ ಲ್ಲ್ಯಾ
ಆಯ್ದಾಂಕ್ ಘೆವ್ನ್..

ಖಿಣಾನ್ ಭೆಂಡುನ್ ಶಿಂದ್ ಲ್ಲ್ಯಾ
ಮ್ಹಜ್ಯಾ ಕುಡಿಚ್ಯಾ ಸಂದಾಂಕ್
ನವಿಂಚ್ ರುಪಾಂ ದಿಲಿಂ ತಾಣಿಂ
ಎಕಾ ಕುಡ್ಕ್ಯಾನ್ ರಾವ್ಳೆರಾಚೆಂ
ಮಾನಾಚೆಂ ಕದೆಲ್
ಆನ್ಯೇಕಾನ್ ಸುಡ್ಗಾಡಾಂತ್
ಗಸಾರ್ಯಾ ಮಧೆಂ ಕಾರ್ವೆಲ್ಲಿಂ
ಮೊಡಿಂ  ಪರ್ತುಂಚೊ ಕೊಲಿತ್
ಜಾವ್ನ್ ಬದ್ಲಿಲಿಂ.

ಕದೆಲ್ ಹಾಲ್ಲೆಂನಾ,
ಪೂಣ್ ಹಾಂವ್...?
ಅಪ್ರೂಬ್ ಜಿವ್ಯಾ ಫುಲಾಂ
ಗಂಧಾಕಾಡಿಯಾಂಚೊ ಸ್ವಾದ್
ಸೆವ್ನ್ ಆಸ್ ಲ್ಲೊ...
ಆಜ್ ಕಾಲ್, ನಾಂತ್ ಫುಲಾಂ
ನಾಂ ಸುವಾದ್, ಮೊಡಿಂಚ್
ಮೊಡಿಂ, ಸುಡ್ಕಾಡ್ ಭರ್
ಮ್ಹಜಿ ಧಾಂವ್....
ಆತ್ತಾಂ ಎಕ್ಲ್ಯಾಕ್
ಮಾಗಿರ್ ಆನ್ಯೇಕ್ಲ್ಯಾಕ್.....
ಪೊರ್ಚ್ಯಾ ಗೊಬ್ರಾಕ್
ಕಾಲ್ಚ್ಯಾ ಜಿವ್ಯಾ ಗಸಾರ್ಯಾಕ್...
ಉಸ್ತುನ್ಂಚ್ ಉರ್ಲೊಂ..

ಮ್ಹಾಕಾಯ್ ಪುರಾಸಾಣ್ ಜಾಲ್ಯಾ
ಮಾಸೂಮ್ ಬಾಳಾಂ, ಅವಯೊ
ಘೊಳ್ನ್ ಹಾಡ್ಚೆ ಬಾಪುಯ್
ವಾವ್ರಾಡ್ಯಾಂಚಿಂಚ್ ಮೊಡಿಂ
ಪಳೆವ್ನ್ ಪಳೆವ್ನ್ ಥಕ್ಲಾಂ..
ತಾಂಚ್ಯಾ ಮರ್ಣಾಕ್ ಕಾರಾಣ್
ಜಾಲ್ಲ್ಯಾ ತುಮ್ಚ್ಯಾ ಸಾರಿಯೆಕ್
ಗ್ರಾಸುಂಚ್ಯಾ ಉಜ್ಯಾ ಜಿಬೆಂಕ್
ದೆಖ್ಚ್ಯಾ ನಿಮ್ಣ್ಯಾ ಆಶೆನ್
ರಾಕೊನ್ ರಾವ್ಲಾಂ..
ಭಾಯ್ರ್ ಸರಾ  ಬಿಳಾಂತ್ಲೆ...

 ಫೆಲ್ಸಿ ಲೋಬೊ.