ಆಮ್ಚ್ಯಾ ವಾಡ್ಯಾಚೆಂ ಮೊಂತಿ ಫೆಸ್ತ್ by ಫೆಲ್ಸಿ ಲೋಬೊ

ಲ್ಯಾಂಡ್ ಲಿಂಕ್ಸ್ ಸಕಯ್ಲ್ಯಾ ವಾಡ್ಯಾ
ಗಡ್ದ್ ಫೆಸ್ತ್ ಮೊಂತಿಚೆಂ
ಜಮಾತೆಚ್ಯಾ ಬಸ್ಕೆಂತ್ ಬಾವಾ
ಪಾವ್ಲೆ ಯಾಜಾಕ್ ಮೊಗಾಚೆ

ಎಕ್ಲ್ಯಾ ಪ್ರಾಚ್ ಎಕ್ಲೆ ಹುಶಾರ್
ರಾಂದಾಪ್ ಕಿತೆಂ ರುಚಿಚೆಂ
ಚುಕ್ಚೆಂ ನಾಕಾ ತುಮ್ಕಾಂ ಕೆದಿಂ
ರಾಂದ್ಲಾಂ ಕಿತ್ಲ್ಯಾ ಭಗಾಂಚೆಂ!!!

ಅಲೆಸಾಮಾಚ್ಯಾ ಘರ್ಚೆ ಮಾಳ್ಯೆರ್
ಜೂಸ್ ಚಾಕ್ಲ್ಯೊ ಬಿಸ್ಕುತ್ಯೊ
ಹುನ್ ಹುನ್ ಶಿತ್ ಯ್ ತಾಚೆಂಚ್
ಮಾಂಡ್ಲ್ಯೊ ಬೊಶಿಯೊ ಮೆಜಾರ್

ಟ್ರೀಜಾ ಬಾಯೆನ್ ಆಳುಂ ದೆಂಟೊ
ಒರಿನ್ ಬಾಯೆನ್ ಕಾರೆತೆಂ
ನತಾಲ್ ಬಾಯೆಚಿಂ ಗಾಂವ್ಚಿಂ ಬೆಂಡಾಂ
ಪಳೆವ್ನ್ ಚ್ ಭರ್ಲಿಂ ಪೊಟಾಂ

ಜ್ಯೋತಿ ಬಾಯೆಚಿಂ ಗೊಸಾಳಿಂ
ಫೆಲ್ಸಿ ಬಾಯೆಚೊ ಸಲಾದ್
ಐವಿ ಬಾಯೆಚೊ ಮೂಗ್
ಪಳೆವ್ನ್ ಜಾಗ್ ಉಟ್ಲಿ ಭುಕ್

ಹಿಲ್ಡಾಬಾಯೆನ್ ಸೊಣೊ ರಾಂದ್ಲ್ಯಾರ್
ಗ್ರೆಟ್ಟಾ ಬಾಯೆಚಿಂ ತೆಂಡ್ಲಿಂ ಸುಕಿಂ
ಮೀರಾ ಬಾಯೆಚೊ ರಸಂ
ಆಮಿ ಮಿಟಿಯೊ ಮಾರ್ನ್ ಖಾತಾಂವ್

ಮರ್ಲಿನ್ ಬಾಯೆಚ್ಯೊ ಲಾಂಬ್ ಸಾಂಗೊ
ಸ್ಟೆಫಿ ಬಾಯೆನ್ ಭಾಜ್ಲೆ ಹಾಪೊಳ್
ಯೂಜಿನ್ ಬಾಯೆನ್ ಹಾಡ್ಲೆಂ ವೋರ್ನ್
ಬುಡೊವ್ನ್ ಖೆಲಿಂ ಶೈಲಾಬಾಯ್ಚಿಂ ಸನ್ನಾಂ

ಪ್ರವೀಣಾ ಬಾಯ್ ಆನ್ನಿ ಬಾಯ್
ಹಾಡುನ್ ಆಯ್ಲಿಂ ಹೋಳಿಗೆ
ಹಾಂತ್ಲೆ ಥೊಡೆ ವಿಂಚುನ್ ಭರ್ಲೆ
ಆಮ್ಚೆ ಜೋಳಿಗೆ

ಗಳೊ ಸುಕೊಂಕ್ ನಜೊ ಮ್ಹಣ್
ಫ್ಲಾವಿ ಬಾಯೆಚೆಂ ಉದಕ್
ಗಡ್ದ್ ಜಾಲೆಂ ನವೆಂ ಜೆವಾಣ್
ಜೆವ್ಲ್ಯಾಂವ್ ವ್ಹಡಾ ಮೊಗಾನ್.

ಘಾಲ್ ಮಾಯೆ ತುಜೆಂ ಬೆಸಾಂವ್
ಆಮ್ಚ್ಯಾ ಲ್ಹಾನ್ ಕುಟ್ಮಾಂಚೆರ್
ಬಾಳಾಂ ಲಾಲೆವ್ನ್ ಮಾಗ್ತಾಂವ್ ಆಮಿ
ಆಧಾರ್ ಲಾಭಯ್ ವಾವ್ರಾಂಚೆರ್.

ಕಾರ್ಯೆಂ ಮಾಂಡುನ್ ಹಾಡ್ಲೆಲ್ಯಾ
ಮುಖೆಲ್ಯಾಂಕ್ ಧೀನ್ವಾಸ್
ಪ್ರತಿಭಾವಂತ್ ಬುರ್ಗ್ಯಾಂಕ್
ಮಾನ್ ಪಾಠಯ್ಲೆಲ್ಯಾಕ್ ದನ್ಯವಾದ್

ಫೆಲ್ಸಿ ಲೋಬೊ.