ಹಿಮೊಸ್ by ಫೆಲ್ಸಿ ಲೋಬೊ. Back

ಹಿಮೊಸ್

ಭ್ಯೆಂ ಪಾಂಗುರ್ನ್ ಪಾಶಾರ್
ಜಾಂವ್ಚ್ಯಾ  ಹರ್  ಖಬ್ರೆ ಪಾಟಿರ್
ಎಕಾ  ನಮೂನೆಚಿ  ಹಿಮ್ಸಾಣ್
ಆಕಾಂತಾಚ್ಯಾ ಕಿರ್ಣಾಂಚಿ ಹುಣ್ಸಾನ್

ಅಶೀರ್ ದಾರಾಚ್ಯಾ ಭಿತರ್ಲ್ಯಾನ್
ವೊಣ್ತಿಕ್ ಪಾಟ್ ಲಾವ್ನ್
ಬಸ್ಲೆಲ್ಯಾ ಆವಯ್ಚ್ಯಾ  ಚಿಂವೆಕ್ 
ಘಾಸ್  ಮಾರ್ಲೆಲ್ಯಾ ಬಾಳಾಚಿ ಕಿಂಕ್ರಾಟ್
ಝುಜಾ ವಿಮಾನಾಚೆ ಬೊಬೆಂತ್ ಜಿರ್ಲಿ..

ಬಾಪುಯ್ ಆವಯ್ ಬಾಳಾಂಕ್
ಬಂದೂಕೆಚ್ಯಾ  ಎಕಾಚ್  ನಳಿಯೆರ್ 
ಮರ್ಣಾ ಆನಿ ಜಿವಿತಾಚ್ಯೆ  ವಿಂಚ್ಣುಕೆಕ್
ಸೊಜೆರಾನ್ ಉಭೆ ಕರ್ತಾನಾ
ಉಬ್ಚ್ಯಾ ಧುಳಿಂತ್ ಯ್  ಹಿಮೊಸ್..!

ಕರ್ಗೊನ್ ಗೆಲ್ಲೆ ಬಾಂಕ್  ಪೊತಿಂ
ವಾರ್ಯಾರ್ ಧಲ್ಚಿಂ  ಅರ್ಧಿಂ ಪೆಟ್ಲೆಲಿಂ
ಜನ್ಲಾಂ,  ಘಸ್ ಪುಸುನ್ ಘೆತ್ಲೆಲ್ಯೊ ವಣ್ತಿ
ಪೆಂಟಾಳೆರ್ ಬಸ್ ಲ್ಲ್ಯಾ ಧುಳಿಂತ್ ಯ್
ಎಕಾ ನಮುನೆಚಿ ಹಿಮೊಸ್..!

ಸರ್ವಾಂಕ್ ಪಾಟ್ ಕರ್ನ್ 
ದೇಶ್ ರಾಕಣೆಕ್ ಗೆಲ್ಲೆ ಸೊಜೆರ್
ಕೊಕೊ ಮೆಮೆ ಪಾಪ್ಯಾ ಖಾತಿರ್
ಘಾಮ್ ಪಿಳುಂಕ್ ಗೆಲ್ಲೆ ನೌಕರ್
ಸೆವ್ತಾತ್ ತ್ಯಾ ಉಸ್ವಾಸಾಂತ್ ಯ್ ಹಿಮೊಸ್.

ಮನ್ಶ್ಯಾ ಕುಡಿಂತ್  ವ್ಹಾಳ್ಚ್ಯಾ  ರಗ್ತಾನ್
ಶಿರೊ  ಫುಟವ್ನ್  ಭಾಯ್ರ್ ಉಡ್ಕಿ ಮಾರ್ತಾನಾ
ಖಿಣಾನ್ ಚಿಂವೊನ್ ಘೆತ್ಲೆಲ್ಯಾ  ಮಾತ್ಯೆಕ್
ಆತಾಂ  ವೊರೊಡ್.. ರಗ್ತಾಕ್ ತಾನೆಲ್ಲ್ಯಾಂಚೆರ್..

ಭ್ರಷ್ಟ್,  ಹರಾಮಿ,  ದ್ರೋಹಿ
ಆಸಾತ್ ನಯ್  ಅನಿಕ್ ಯ್?
ತಾಂಕಾಂ ಸೊಡ್ಚೆಂ ಕಸಲೊ ನ್ಯಾಯ್?
ದೆಂವಯಾ ಝುಜಾಂಗ್ಣಾಕ್ ಬಾಕಿಚಿಂ
ಹಾತೆರಾಂ,  
ಧರ್ತಿ ಮ್ಹಣಾಲಿ ,   ಮ್ಹಾಕಾ ತಾನ್ ಲಾಗ್ಲ್ಯಾ!

ಫೆಲ್ಸಿ ಲೋಬೊ.