ಸಮಾಜೆಚೊ ದಿವೊ by ಮರ್ಲಿನ್ ಮೇಬಲ್ Back

ಸಮಾಜೆಚೊ ದಿವೊ 

ಆಮಿಂ ಸ್ತ್ರೀಯೊ,  ಆಮಿ ಸ್ತ್ರೀಯೊ, 
ಆಮಿಂ  ಸ್ತ್ರೀಯೊ,  ಕಂಚಾಂತ್ ಉಣೆಂ ಅಸಾಂವ್?
ಫಾಂತ್ಯ ಫರಾರ್ ಉಠ್ತಾಂವ್, 
ರಚ್ನಾರಾಕ್ ಆಮ್ಚಾಂ ಹರ್ಸಿತಾಂವ್. 
ವಾವ್ರಾಕ್ ಆಮ್ಚಾಂ ಪಾವ್ಲಂ ಕಾಡ್ತಾಂವ್, 
ಧಯ್ರಾನ್ ಮೆಟಾಂ ಸರ್ತಾಂವ್. 
ಆಮಿಂ  ಸ್ತ್ರೀಯೊ , ಆಮಿಂ ಸ್ತ್ರೀಯೊ ಕಂಚಾಂತ್ ಉಣೆಂ ಅಸಾಂವ್? 

ಭುರ್ಗ್ಯಾ -ಬಾಳಾಂಕ್ ಸಾಂಬಾಳ್ತಾಂವ್.
ಮೋಗಾನ್ ತಾಂಕ ವಾಗಯ್ತಾಂವ್.
ಜಿಣಿಯೆಂತ್ ಬರಿಂ ಮೌಲ್ಯಂ ರುತಾ ಕರ್ತಾಂ ವ್. 
ಕುಟಾಮ್  ಆಮ್ಚೆಂ ಬಾಂಧುನ್ ಹಾಡ್ತಾಂವ್. 
ಆಮಿಂ ಸ್ತ್ರೀಯೊ ಕಂಚಾಂತ್ ಉಣೆಂ ಅಸಾಂವ್?

ಆಜಿ ಜಾವ್ನ್, ಆವಯ್ ಜಾವ್ನ್, 
ಧೂ ಜಾವ್ನ್,  ಭಯ್ಣ್ ಜಾವ್ನ್, 
ಪತಿಣ್ ಜಾವ್ನ್,  ಸುನ್ ಜಾವ್ನ್, 
ಇಷ್ಟ್ ಜಾವ್ನ್, ಮೋಗ್ ಆಮಿಂ ವಾಟ್ತಾಂವ್. 
ಸದಾಂಚ್ ಎಕ್ವಟಾನ್ ಜಿಯೆತಾಂವ್. 
ಆಮಿಂ ಸ್ತ್ರೀಯೊ,  ಆಮಿಂ ಸ್ತ್ರೀಯೊ ಕಂಚಾಂತ್ ಉಣೆಂ ಅಸಾಂವ್? 

ಸಮಾಜೆಚ್ಯಾ ಉಧರ್ಗಾತೆಕ್ ವಾವುರ್ತಾಂವ್, 
ವಿವಿಧ್ ಕ್ಷೇತ್ರನಿಂ ಪರ್ಜಳ್ತಾಂವ್. 
ಜಿಣಿಂ  ಆಮ್ಚಿಂ ಜರಯ್ತಾಂವ್,
ಕಷ್ಟಾಂ- ದುಃಖಾಂತ್ ಸೊಸ್ಣಿಕ್ ಜಾತಾಂವ್. 
ಆಮಿಂ ಸ್ತ್ರೀಯೊ, ಆಮಿಂ ಸ್ತ್ರೀಯೊ ಕಂಚಾಂತ್ ಉಣೆಂ ಅಸಾಂವ್?

ಆಮ್ಕಾಂಯ್ ಅಸಾ ಸ್ವಾಭಿಮಾನ್, 
ಆಮ್ಕಾಂಯ್ ಅಸಾ ಸ್ವಾಭಿಮಾನ್. 
ಲೆಖ್ಲ್ಯಾರ್  ತುಮಿಂ ಆಮ್ಚಾಂ ಮಾನಾನ್ ಆನಿಂ ಗೌರವನ್
ಜಾಂವ್ಚೆನಾ  ಸ್ತ್ರೀಯಾಂಚೇರ್ ಶೋಷಣ್. 
ಆಮಿಂ ಸ್ತ್ರೀಯೊ,  ಆಮಿಂ ಸ್ತ್ರೀಯೊ 
ಹ್ಯಾ ಸಮಾಜೆಚೊ ದಿವೊ. 

         ಮರ್ಲಿನ್ ಮೇಬಲ್.   ದೆರೆಬಯ್ಲ್.