ಸೊಭೊಂ ಗುಣಾಂನಿ ಹೊ ಸಂಸಾರ್ by ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) Back

ಸೊಭೊಂ ಗುಣಾಂನಿ ಹೊ ಸಂಸಾರ್

ನಂಯ್ ವಾಳ್ತಾ  ಸುಳುಸುಳು, 
ದೊಂಗೊರ್ ಫಾಲ್ಕಿಂ ಜುಳುಜುಳು
ಪಾಚ್ವಿ ಕರುನ್ ಸುಂದರ್ ಪೃಥ್ವಿ
ನಂಯ್ಚಿ ಝರ್ ಸುಕ್ಲಿ ತರ್? 
   ವಾರೆಂ ವಾ಼ಳ್ತಾ ಶಿತಾಳ್ ಥಂಡಿ
   ಹವಾ ನಿಯಂತ್ರಣ್ ಲಜೆಕ್ ಉಂಡಿ
    ಕರುನ್ ಥಂಡಿ ಸಗ್ಳಿ ಪೃಥ್ವಿ
    ವಾ಼ಳ್ಚೆಂ ವಾರೆಂ ರಾವ್ಲೆಂ ತರ್? 
ಸಕಾಳಿಂ ರವಿ ಉದೆವ್ನ್ ಯೆತಾ, 
ಪೃಥ್ವೆರ್ ಆಪ್ಲೊ ಉಜ್ವಾಡ್ ಫಾಂಕ್ತಾ, 
ಸಾಂಜ್ ಜಾತಚ್ ದರ್ಯಾಂತ್ ಲಿಪ್ತಾ,
ಪುನ್ವೆ ಚಂದ್ರಾಕ್ ವಾಟ್ ಕರುನ್ ದಿತಾ. 
ಯೆಂ ಸರ್ವ್ ನೈಸರ್ಗಿಕ್ ನಿಯಮ್, 
ದೆವಾನ್ ದಿಲಾಂ ಆಮ್ಕಾಂ ಖಾಯಂ, 
ತಾಳೆಂ ತೆಂ ಬಂದ್ ಕೆಲೆಂ ತರ್, 
ಪಯ್ಶಾಂನಿ ಪಾಟಿಂ ಹಾಡ್ಶಿ?
ವಾರೆಂ ವಿಕಾಳ್ ಜಾಲೆಂ ತರ್, 
ತುಜ್ಯಾ ಉಸ್ವಾಸಾ ಮೊಲ್ ಕಳ್ತೆಂ.
ಉದಾಕ್ ಬಂದ್ ಪಡ್ಲೆಂ ತರ್, 
ಏಕ್ ಘೊಟ್ ಉದ್ಕಾ ಮೊಲ್ ಕಳ್ತೆಂ. 
ಶಿಕಾಪ್, ಪಯ್ಶೆ, ಪದ್ವಿ ವ್ಯರ್ಥ್, 
ಹಾತಿಂ ತುಜ್ಯಾ ನಾ ಕಿತೆಂಚ್ಚ್, 
ವಾರೆಂ-ವಾದಾಳ್ ಉಟ್ಲೆಂ ತರ್, 
ತುಂ ಪೊಂದಾ ಬಿಲ್ಡಿಂಗ್ ತುಜೆ ವಯ್ರ್. 
ನಾ ತರ್ ದಳ್ಬಾರ್ ಕಸ್ಲೆಂ ಕರ್ಭಾರ್, 
ಮನಿಸ್ ಕಿರ್ಕೊಳ್ ರಚ್ನಾಂ,ನಾಕಾ ಹಂಕಾರ್, 
ಮೊವಾಳಾಯ್ ಕರುಂ ಕಾಳ್ಜಾಂತ್ ಬಿಡಾರ್,
ಸೊಭೊಂ ಗುಣಾಂನಿ ಹೊ ಸಂಸಾರ್. 

ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) 
  ಕೊಟ್ಟಾರ್  ಕ್ರಾಸ್  ವಾಡೊ.