ಸ್ತ್ರೀಯೆ  ಜಿವಿತ್ by ಜ್ಯೂಲಿಯೆಟ್ ಫೆರ್ನಾಂಡಿಸ್  (ಮೊರಾಸ್) Back

ಸ್ತ್ರೀಯೆ  ಜಿವಿತ್

ಆವಯ್ ನಾತ್ಲೆಂ ಬಾಳ್,
ಭರ್ಲಿಂ ವರ್ಸಾಂ ಬಾರಾ,
ನೆಸುನ್ ತಾಂಬ್ಡಿ ಸಾಡಿ,
ಧಾಡ್ಲೆ ಪತಿ ಘರಾ 

ರವಿ ಉದೆಂವ್ಚ್ಯಾ ಫುಡೆo
ಕಾಮಾ ಪಟ್ಟಿ ಆಯ್ಲಿ,
ಮೊಡ್ಕಿ ಚಡಯ್, ಜಾಲ್ ಯ ಝಾಡ್,
ಪೇಂಡ್ ಘಾಲ್, ಸೊಪ್ ಹಾಡ್.

ನಿಸ್ತೆಂ ಸಮಾಂ ಜಾಂವ್ಕ್ ನಾ,
ಪಾಟಿರ್ ರೊತಾಂ ಖೆಳ್,
ಭುರ್ಗಿಂ ಪೊವ್ಳಾಂ ಗಳಯ್ತಾ ಲಿಂ,
ಪುಸೊನ್ ದುಕಿ ತೇಲ್.

ಆವಯ್ ಸರ್ಗಿಂ ಪಾವ್ಲ್ಯಾ,
ಬಾಪಾಯ್ನ್ ಕಾಯ್ದೊ ಪಾಳ್ಳಾ,
ಕುಳಾರಾ ಮೌಶೆ ರಾಜ್,
ತಿಕಾ ದಾರ್ವಾಟೊ ಧಾಂಪ್ಲಾ.

 ವರ್ಸಾಂ  ತೀಸ್ ಭರ್ಚ್ಯಾ ಫುಡೆಂ,
 ನಶಿಬಾನ್ ವಿಧವ್ ಕೆಲೆಂ,
ಜೀವನ್ ತಿಚೆಂ ಯಮ್ಕೊಂಡ್ ತರಿ,
 ಶಿಕಪ್ ಭುರ್ಗ್ಯಾಂಕ್ ದಿಲೆಂ.

 ಕಾಣಿ ನ್ಹಯ್ ಹಿ ಜಿಣಿ
 ಎಕಾ ಭಿರ್ಮತ್ ಸ್ತ್ರೀಯೆಚಿ
 ಸ್ತ್ರೀಯೆ ಥೈ೦ ನಿರ್ಲಕ್ಷ್ ಕಿತ್ಯಾಕ್ ?
 ತ್ಯಾಗಾಕ್ ತಿಚ್ಯಾ ಮಾನ್ ದಿ

ಥೊಡಿ ಆಮಿ ಝಳ್ಮಿ ತಾಂವ್ ತರಿ,
ವಳ್ವಳ್ಚಿ  ಆಸಾತ್ ಸಭಾರ್,
ಹಕ್ಕಾಂಕ್ ಆಮ್ಚ್ಯಾ ಝಜ್ಯಾಂ,
ಜಿವಿತ್ ರೂಪಿತ್ ಕರ್ಯಾಂ.

ಅಂತರಾಷ್ಟ್ರೀ ಯ ಸ್ತ್ರೀಯಾಂ ದಿಸಾ,
ಧೃಡ್ ಸಂಕಲ್ಪ್ ಕರ್ಯಾಂ,
ಹಾತಾ ಹಾತಿಂ ವಾವುರ್ನ್,
ಸೊಭಿತ್ ಸಂಸಾರ್ ಭಾಂದ್ಯಾ.

ಜ್ಯೂಲಿಯೆಟ್ ಫೆರ್ನಾಂಡಿಸ್  (ಮೊರಾಸ್)
ಕೊಟ್ಟಾರಾ ಕ್ರಾಸ್ ವಾಡೊ