ಸ್ತ್ರೀಯಾನೋಂ – ಚತ್ರಾಯ್! By ಪ್ರೀತನ್ ಪಿರೇರಾ Back

ಸ್ತ್ರೀಯಾನೋಂ – ಚತ್ರಾಯ್!

ಸ್ತ್ರೀಯಾಂಚೊ ದೀಸ್ ಆಚರಣ್,

ಅಂತರಾಷ್ಟ್ರೀಯ್ ಮಟ್ಟಾಚೊ ಮಾನ್!

ರೆಖಾದ್, ತುರೆ ಇನಾಮಾಂ ಹಜಾರ್,

ಪಾರ್ಟಿ – ಜೆವ್ಣಾಂ ಸವೆಂ ದೀಸ್ ಕಾಬಾರ್…

ಎಕಾ ದಿಸಾ ಮಟ್ಟಾಕ್ ಸಂತೊಸ್ ಭರ್ಪೂರ್,

ಉಪ್ರಾಂತ್ ಸುರು ಸದಾಂಚೆಂ ರಜಾರ್…

ಘಾಸಾಪ್ – ಪುಸಾಪ್, ರಾಂದಾಪ್ – ಶಿಂದಾಪ್,

ಭುರ್ಗ್ಯಾಂ-ಜತನ್ ಆನಿ ಕುಟ್ಮಾ - ಪೊಸಾಪ್!

ಫಾಂತ್ಯಾ – ಫಾರಾರ್ ಉಗ್ತೆಂ ಕ್ಯಾಂಟಿನ್,

ವಿವಿಂಗಡ್ ರುಚಿ, ವಿವಿಧ್ ಫಾರ್ಮಾಣ್!

ಜಿವಿತಾಂತ್ ಬ್ರೇಕ್ ನಾ, ಫಕತ್ ಆ್ಯಕ್ಸಿಲೇಟರ್

ಜಿಣ್ಯೆಗಾಡ್ಯೆ – ಧಾಂವ್ಣಿ, ಕೆನ್ನಾ ಜಾಯ್ತ್ ‘ಬೆಟರ್’?

ಘೊವ್ ಗಾಡಿಯೆಚೊ ಡ್ರೈವರ್, ಬಾಯ್ಲ್ ಘರಾಂತ್ ವೇಯ್ಟರ್?

ಘರ್ ಮ್ಹಳ್ಳ್ಯಾ ಕ್ಯಾಂಟಿನಾಂತ್ ಭುರ್ಗಿಂ ಬಿಂದಾಸ್ ಕಸ್ಟಮರ್…

ಭುರ್ಗ್ಯಾಂಕ್ ಟಿಪ್ಸ್, ಘೊವಾಕ್ ಗಿಫ್ಟ್

ಬಾಯ್ಲೆಕ್ ಮಾತ್ ಘರಾಂತ್ ತಿತಿನ್ ಶಿಫ್ಟ್!!

 ಪ್ರೀತನ್ ಪಿರೇರಾ

ಲ್ಯಾಂಡ್ ಲಿಂಕ್ಸ್ ಅಪ್ಪರ್ ವಾಡೊ