ವ್ಹಡ್ಲಿಮಾಂಯ್ By ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) Back
ವ್ಹಡ್ಲಿಮಾಂಯ್
ಲಾನ್ಪಣಾಂಲೆ ದೀಸ್
ವ್ಹಡ್ಲಿಮಾಂಯೆಚೆ ಕೀಸ್,
ಹಾತಿ ಹಾತ್‍ಧರುನ್ ವತೆಲ್ಯಾಂವ್,
ಫಾತ್ಯಾಂ ಫರಾರ್ ಮೀಸ್.
ಮೊಡ್ಲಾಂ ವೊಳ್ತೆಲ್ಯಾಂವ್ ಸಂಗಿಂ,
ಖೊಲಿ ಆರಾಯ್ತೆಲ್ಯಾಂವ್ ಲಾಗಿಂ,
ಹಿತ್ಲಾಂತ್ ಘಾಲ್ತಾನಾ ಗಡಮಾಡಿ,
ವ್ಹಡ್ಲಿಮಾಂಯ್ ಹಾಸ್ತಾಲಿ ಸಂಗಿಂ.
ವ್ಹಡ್ಲಿಮಾಂಯ್‍ಉಸ್ಕ್ಯಾರ್‍ದೆಕ್ಲೊ ಸರ್ಣ್,
ತೆಂಚ್‍ತೆಂ ಮಧುರ್‍ಗಾಯಾನ್,
ಬೊಬೆ ಭಾಜ್ ಬೊಬೆ ಭಾಜ್‍ಕಯ್ಲಾರ್,
ಬಾಯೆಚೊ ಮಾಮ್‍ಯೆತಾರಯ್ಲಾರ್.
ಆಜ್ ಹಾಂವ್‍ಜಾಲ್ಯಾಂ ವ್ಹಡ್ಲಿಮಾಂಯ್,
ನಾತ್ರಾಂಕ್‍ಘೆವ್ನ್‍ಗಾಯ್ತಾಂಗಾಯಾನ್,
ಬೊಬೆ ಭಾಜ್ ಬೊಬೆ ಭಾಜ್ ಮಾಲ್ತೆಂತ್,
ಬಾಯೆಚೀ ಮೌವ್ಶಿಯೆತಾ ಪಾಲ್ಕೆಂತ್.
ವ್ಹಡ್ಲಿಮಾಂಯ್ ಶಬ್ದ್ ಮಾಯಾಕ್‍ಜಾಲಾ,
'ಮಾಂಯ್' ಜಾವ್ನ್ ಬದಲ್ಲಾ,
ತೇಯ್‍ತೇಯ್‍ರೇ ಬಾಳಾ,
ಆಜಿಯೆತೊಂಡಾಂತ್‍ಅಜೂನಿ ಉರ್ಲಾಂ.
ನಾತ್ರಾಂ-ವ್ಹಡ್ಲಿಮಾಂಯ್ ಬಾಂದ್,
ಮಧುರ್ ಸೊಭಿತ್ ಸಂಬಂಧ್,
ಮೊಗಾಕ್ ನಾ ಕುರಾಡ್
ತೆಂಚ್ ಮಧುರ್ ಗಾಯಾನ್ ಬೊಬೆ ಭಾಜ್..
ಮ್ಹಾಲ್ಗಡ್ಯಾಂಕ್ ಶಿಕಾಪ್ ಆಸಾ ವಾ ನಾ,
ಪ್ರಾಯೆಚೊಅನ್ಭೋಗ್ ಆಸಾ,
ತೆಂಎಕ್ ಮೊಲಾಧಿಕ್ ದಿರ್ವೆಂ,
ಶಿಕ್ಪಾ ವರ್ನಿಊಂಚ್.
ಮ್ಹಾಲ್ಗಡ್ಯಾಂಚಾಯ್ಯಾ ದಿಸಾ,
ಮಾನ್-ಗೌರವ್‍ತಾಂಕಾಂ ದಿವ್ಯಾಂ,
ಆಶಿರ್ವಾದ್ ತಾಂಚೆಂಘೆವುನ್,
ಸೊಭಿತ್‍ಕುಟಾಮ್ ಬಾಂದ್ಯಾ.
ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್)
ಕೊಟ್ಟಾರ ಕ್ರಾಸ್ ವಾಡೊ
