ವಿಶ್ವ ಶಿಕ್ಷಕಾಂಚ್ಯಾ ದಿಸಾ By ಜ್ಯೂಲಿಯೆಟ್ ಫೆರ್ನಾಂಡಿಸ್ Back

ವಿಶ್ವ ಶಿಕ್ಷಕಾಂಚ್ಯಾ ದಿಸಾ....... 

ವಿಶ್ವ ಶಿಕ್ಷಕಾಂಚ್ಯಾ ದಿಸಾ
ಕಾಳ್ಜಾಂತ್ ಉಮಾಳೆ ಉಮಾಳ್ತಾತ್, 
ಬಾಳ್ಪಾಣಾಂಲೆ ಉಡಾಸ್ ಫುಲ್ತಾತ್, 
ಸಂತೊಸಾನ್ ಮನಾಂ ಧಲ್ತಾತ್. 
ಪ್ರಥಮ್ ಶಿಕ್ಷಕಿ ಆವಯ್, 
ಶಿಕ್ಷಕಿ ದುಸ್ರಿ ಆವಯ್, 
ವೃತ್ತೆಕ್ ತುಮ್ಚ್ಯಾ ನಮಾನ್, 
ಶಿಕ್ಷಕಾಂಕ್ ಪ್ರಣಾಮ್. 
ಆವಯ್ ಪಾಸ್ಳೆಂತ್ಲೆ ಬಾಳ್, 
ವೆತಾ ತುಮ್ಚ್ಯಾ ವೆಂಗೆಂತ್, 
ಆವಯ್ ಬಾಪಯ್ ಪ್ರತಿರೂಪ್,
ದೆಕ್ತಾ ತುಮ್ಚ್ಯಾ ಸೆವೆಂತ್. 
ಶಿಕಾಪ್, ತಾಲೆಂತಾಂ, ಶೆಗುಣ್, 
ವಾಂವ್ಟಿಚೊ ತುಮ್ಚ್ಯಾ ಫಳ್, 
ಶ್ರೇಷ್ಠ್ ತುಮ್ಚ್ಯಾ ಸೆವೆ ದ್ವಾರಿಂ, 
ರೂಪಿತ್ ಮನ್ಶಾ ಜಿವಿತ್. 
ಸಂತೊಸ್, ಸಮಾಧಾನ್, ತೃಪ್ತಿ, 
ಬುಕಾಂ ಬಾಯ್ಲೆ ಸಂಗ್ತಿ, 
ಶಿಕ್ಷಕಾನಿಂ ಶಿಕಯ್ಲಿಂ ದೆಣಿಂ,
ಸಮಾಜ್ ತುಮ್ಕಾಂ ಋಣಿ. 
ಆಧುನಿಕ್ ಹ್ಯಾ ಕಾಳಾರ್
ದೊಗಾಂಕ್ ಸಾಂಬಾಳ್ಚೆಂ ಕಶ್ಟ್ ದಿಸ್ಚ್ಯಾ ವೆಳಾರಿ, 
ಚಾಳಿಸಾಂ ವಯ್ರ್ ಭುರ್ಗಿಂ ತುಮ್ಚ್ಯಾ ಹಾತಿಂ, 
ವಿಶೇಸ್ ತುಮ್ಚಿ ಶಾಥಿ.
ಪದ್ವೆನ್ ಕಿತ್ಲೊಯ್  ವಡ್ ತರಿ, 
ಮಾನ್ ಭಾಗಾಯ್ತಾ ಶಿಕ್ಷಕಾ ಮುಕಾರಿ. 
ಉಗ್ಡಾಸ್ ಕರುನ್ ಬಾಳ್ಪಣಾಲೆ, 
ಬಾಳ್ ಜಾತಾ ತುಮ್ಚ್ಯಾ ಭೊವಾರಿಂ. 

ಜ್ಯೂಲಿಯೆಟ್ ಫೆರ್ನಾಂಡಿಸ್
ಕೊಟ್ಟಾರ್ ಕ್ರಾಸ್ ವಾಡೊ