ವಾಡ್ಯಾಚೆಂ ಗೀತ್ by ಜೋಸೆಫ್ ಕರ್ನೆಲಿಯೊ Back
ವಾಡ್ಯಾಚೆಂ ಗೀತ್
(ದಿ| ಮಿಕ್ ಮ್ಯಾಕ್ಸ್ ಹಾಚ್ಯಾ ‘ಚೆಡ್ವಾಂ ಬರಿಂ ಆಮ್ಚ್ಯಾ ಗಾಂವಾಚಿಂ’ ಹ್ಯಾ ಪದಾಚೊ ತಾಳೊ)
1. ಸರ್ವಾಂ ಬರಿಂ ಆಮ್ಚ್ಯಾ ವಾಡ್ಯಾಚಿಂ
ತಿಂ ಉದಾರ್ ಆನಿಂ ಉಗ್ತ್ಯಾ ಮನಾಚಿಂ
ತಿಂ ಕಾಡುನ್ ವರ್ತೆ ತ್ರಾಸ್ ಆನಿಂ
ಜೊಡ್ತಾತ್ ಆಪ್ಲೊ ಗ್ರಾಸ್ ತರಿ
ಸರ್ವಾಂ ಬರಿಂ ಆಮ್ಚ್ಯಾ ವಾಡ್ಯಾಚಿಂ
ಫಿರ್ಗಜ್ ಆಮ್ಚಿ ಸೊಡ್ವೊಣ್ದಾರಾಚಿ
ಆಮಿಂ ಕೊಂಚಾಡಿಚ್ಯಾ ವಯ್ಲ್ಯಾ ವಾಡ್ಯಾಚಿಂ
ಸರ್ವಾಂ ಸಾಂಗಾತಾ ಯೆತಿತ್ ಜಾಲ್ಯಾರ್
ಹಾತಾಕ್ ಹಾತ್ ದಿತಿತ್ ಜಾಲ್ಯಾರ್
ಗರ್ಜ್ ಸಂಪ್ತಾ ವಾಡ್ಯಾಗಾರಾಂಚಿ.
ತಿಂ ಕಾಡುನ್ ವರ್ತೆ ತ್ರಾಸ್ ಆನಿಂ
ಜೊಡ್ತಾತ್ ಆಪ್ಲೊ ಗ್ರಾಸ್ ತರಿ
ಸರ್ವಾಂ ಬರಿಂ ಆಮ್ಚ್ಯಾ ವಾಡ್ಯಾಚಿಂ
ಫಿರ್ಗಜ್ ಆಮ್ಚಿ ಸೊಡ್ವೊಣ್ದಾರಾಚಿ
ಆಮಿಂ ಕೊಂಚಾಡಿಚ್ಯಾ ವಯ್ಲ್ಯಾ ವಾಡ್ಯಾಚಿಂ
ಸರ್ವಾಂ ಸಾಂಗಾತಾ ಯೆತಿತ್ ಜಾಲ್ಯಾರ್
ಹಾತಾಕ್ ಹಾತ್ ದಿತಿತ್ ಜಾಲ್ಯಾರ್
ಗರ್ಜ್ ಸಂಪ್ತಾ ವಾಡ್ಯಾಗಾರಾಂಚಿ.
2. ಮೀನಾ ಲೋಬೋ ಆಮ್ಚ್ಯಾ ವಾಡ್ಯಾಚಿ
ಗುರ್ಕಾರ್ನ್ ತಿ ಆಮ್ಚ್ಯಾ ಮೊಗಾಚಿ
ಜಮತೆರ್ ತಿ ಸಾಂಗಾತ್ ಜಾಲ್ಯಾರ್
ವಾಡ್ಯಾಗಾರಾನಿಂ ಸಹಕಾರ್ ದಿಲ್ಯಾರ್
ಕಾರ್ಯಿಂ ಸೊಭ್ತಾತ್ ಆಮ್ಚ್ಯಾ ವಾಡ್ಯಾಚಿಂ
ವಾಡ್ಯಾ ಮದ್ಲಿ ವಾಟ್ ಕಷ್ಟಾಂಚಿ
ತರೀ ಸಾಲ್ ಆಮ್ಚಿ ಮೊಗಾಳ್ ಇಷ್ಟಾಂಚಿ
ಖೊರೆಂ-ಪಿಕ್ಕಾಸ್ ಹಾಡ್ತಿತ್ ಜಾಲ್ಯಾರ್
ಕೊಯ್ತಿ ಘೆವ್ನ್ ಬೆಂಡ್ತಿತ್ ಜಾಲ್ಯಾರ್
ವಾಟ್ ಜಾತಾ ಅಪುರ್ಬಾಯೆಚಿ .
3. ರಾಂದಾಪ್ ಆತಾಂ ರಾಂದುಂಕ್ ಧರ್ಲಾಂ
ವೋರ್ನ್ ಆತಾಂ ರಾಂದ್ಣಿರ್ ದವರ್ಲಾಂ
ಶಿಂದ್ತೆಲೆ ತೆ ಶಿಂದುಂಕ್ ವಚಾ
ವಾಟ್ತೆಲೆ ತೆ ವಾಟುಂಕ್ ಬಸಾ
ತವಳ್ ಚಡ್ತಾ ರೂಚ್ ಜೆವ್ಣಾಚಿ
ಆಯಿಲ್ಲಿಂ ಸಯ್ರಿಂ ಆಮ್ಚ್ಯಾ ಮೊಗಾಚಿಂ
ಸ್ವೀಕರ್ಸಿಯಾ ಬಸ್ಕಾ ಮಾನಾಚಿ
ತುಮ್ಚೆಂ ಬರೆಂ ಮನ್ ಆಮ್ಕಾಂ
ಆಮ್ಚೆಂ ಬರೆಂ ಮನ್ ತುಮ್ಕಾಂ
ಆಬಾರ್ ಮಾನ್ತಾಂವ್ ತುಮ್ಚ್ಯಾ ಯೆಣ್ಯಾಚಿಂ .
ವೋರ್ನ್ ಆತಾಂ ರಾಂದ್ಣಿರ್ ದವರ್ಲಾಂ
ಶಿಂದ್ತೆಲೆ ತೆ ಶಿಂದುಂಕ್ ವಚಾ
ವಾಟ್ತೆಲೆ ತೆ ವಾಟುಂಕ್ ಬಸಾ
ತವಳ್ ಚಡ್ತಾ ರೂಚ್ ಜೆವ್ಣಾಚಿ
ಆಯಿಲ್ಲಿಂ ಸಯ್ರಿಂ ಆಮ್ಚ್ಯಾ ಮೊಗಾಚಿಂ
ಸ್ವೀಕರ್ಸಿಯಾ ಬಸ್ಕಾ ಮಾನಾಚಿ
ತುಮ್ಚೆಂ ಬರೆಂ ಮನ್ ಆಮ್ಕಾಂ
ಆಮ್ಚೆಂ ಬರೆಂ ಮನ್ ತುಮ್ಕಾಂ
ಆಬಾರ್ ಮಾನ್ತಾಂವ್ ತುಮ್ಚ್ಯಾ ಯೆಣ್ಯಾಚಿಂ .
ಸರ್ವಾಂ ಬರಿಂ ಆಮ್ಚ್ಯಾ ವಾಡ್ಯಾಚಿಂ…
- ಜೋಸೆಫ್ ಕರ್ನೆಲಿಯೊ, ಕೊಂಚಾಡಿ ವಯ್ಲೊ ವಾಡೊ
