ಯೇ ಕೊರೊನಾ- ನವೀನ್ ಕುಲ್ಶೇಕರ್ Back

ಯೇ ಕೊರೊನಾ

ಚೀನಾಂತ್ಲ್ಯಾ ಹ್ಯುಹಾನಾಂತ್

ಕೊರೊನಾ ತುಂ ಜಲ್ಮಲೆಂಯ್

ತುಜಾ ಜನಕಾಂಕ್

ಧೊಸುನ್ ಭಾಯ್ರ್ ಆಯ್ಲೆಂಯ್

ಪಯ್ಲೆಂ ದಿಸ್ಲೆಂ ತುಕಾ

ಲ್ಹಾನ್ ದೇಶ್ ಇಟಲಿ

ತಯಾರ್ ನಾಸ್ಲೆಂ

ತೆಂ, ತುಂ ಯೆತಾಯ್ ಮ್ಹಣ್

ತುಜಾಚ್ ಚೀನಿ ಲೊಕಾನ್

ತುಕಾ ವಾವಯ್ಲೆಂ

ಆನಿ ಸಂಸಾರಾಕ್ ರಡಯ್ಲೆಂ

ತುಂ ಜಲ್ಮಲ್ಲ್ಯಾ ದೇಶಾಂತ್

ಪ್ರಭಾವ್ ಉಣೊ ಜಾಲೊ

ವಿದೇಶಾಂಚೆರ್ ತುಜೊ

ಖಬ್ಜೊ ಅಂರ್ದಾಲೊ

ಕಿತೆಂ ವಾಯ್ಟ್ ಕೆಲಾಂ

ಇಟಲಿ ಸ್ಪೇನ್ ದೇಶಾನಿಂ

ಫ್ರಾನ್ಸ್, ಇರಾನ್

ಕೊರೆಯಾ ಆನಿ ಅಮೇರಿಕಾನ್?

ಪಯ್ಶಿಲ್ಯಾ ದೇಶಾಂನಿಂ

ಭಂವ್ಡಿ ಮಾರುನ್ ಆಯ್ಲೊಯಿ

ಭಾರತ್ ದೇಶಾಕ್

ಹಾಳ್ವಾಯೆನ್ ಚೊರಾಪರಿಂ

ಯೇವ್ನ್ ವೇಗಾಚಿಂ

ಮೆಟಾಂ ಕಾಡುಂಕ್ ಲಾಗ್ಲಾಂಯ್.

ಯೇ ಕೊರೊನಾ

ಕಿತೆಂ ವಾಯ್ಟ್ ಆಮಿ ಕೆಲಾಂ?

ಖಂಯ್ಸರ್ ಆಮಿ ಚುಕ್ಲ್ಯಾಂವ್

ಕಿತ್ಯಾ ಖಾತಿರ್ ದಿತಾಯ್ ಶಿಕ್ಷಾ

ಯೇ ಕೊರೊನಾ

ರಾವಯ್ ತುಜಿ ಚಾಲ್

ಕರಿನಾಕಾ ಮನ್ಶಾಕುಳಾಕ್ ನಾಶ್!

By: ನವೀನ್ ಕುಲ್ಶೇಕರ್ / Ward : Derebail ward