ಮೊಗಾ ದರ್ಯಾ by ಫೆಲ್ಸಿ ಲೋಬೊ. Back

ಮೊಗಾ ದರ್ಯಾ.....

ತುಜ್ಯಾ ಶಿರಾಂನಿ ವ್ಹಾಳ್ಳೊ
ಮೋಗ್  ಮಾತ್ರ್?
ತುಜ್ಯಾ ದೊಳ್ಯಾಂನಿ ಫಾಂಕ್ಲೊ
ಮೋಗ್ ಮಾತ್ರ್?
ತ್ಯಾ ಹಾತಾಂ ಬೊಟಾಂಚ್ಯಾ
ಉಂಡಿಯೆಂತ್ ಯ್
ಮೋವ್ ಉಸ್ಕ್ಯಾ ನಿಂ
ಹಾಂಡ್ಯೆ  ಖಾಂದಾರ್ ಯ್
ಗೆ ಅವಯ್...
ಒಪ್ಸಿಲೊಯ್ ಮೋಗ್ ಮಾತ್ರ್?...

ತುಜ್ಯಾ  ನಿತಳ್ ಹಾಸ್ಯಾಂತ್
ಉಭಾಳ್ ದುಖಾಂತ್ ಯ್
ನಿಶೆಲ್ಲೊ ಮೋಗ್ ಮಾತ್ರ್?
ರಾಂದ್ಣಿ ಬಗ್ಲೆ ಖಿರವ್ನ್ ತೊವ್ ಲ್ಲ್ಯಾ
ಭಗ್ಣಾಂನಿ,
ವೊರ್ಲಾಂತ್ ಲಿಪವ್ನ್
ಖಾವಯಿಲ್ಲ್ಯಾ ಖಾಣಾಂನಿ
ಜಿರ್ ಲ್ಲೊ, ಮೋಗ್ ಮಾತ್ರ್?

ಆಂಗ್ಣಾ ಬಗ್ಲೆ ಫುಲ್ಲೆಲಿಂ
ಅಬೊಲಿಂ ದಸ್ಮಿಂ
ಉಲಂವ್ಕ್ ಲಾಗ್ಲ್ಯಾಂತ್
ರಂಗಾಂತ್ ತಾಂಚ್ಯಾ ತುಜ್ಯಾ
ಮೊಗಾಚಿ ಸಾಯ್
ನೆರಾಂವ್ಕ್ ಲಾಗ್ಲ್ಯಾಂತ್
ತಾಂಚೆ ಪಾಸ್ಳೆಂತ್ ತುಜ್ಯೊಯ್
ಮೊಗಾ ಯಾದಿ ಗೆ ಆವಯ್
ವಾರ್ಯಾರ್ ಧಲವ್ನ್
ಪಾತ್ಳಾಂವ್ಕ್ ಲಾಗ್ಲ್ಯಾಂತ್...

      ಫೆಲ್ಸಿ ಲೋಬೊ.