ಭಾಗಿ ಜಲ್ಮಾ ದೀಸ್ ಬಾಪೂಜಿ by ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) Back

ಭಾಗಿ ಜಲ್ಮಾ ದೀಸ್ ಬಾಪೂಜಿ

"ಬಾಪೂಜಿ" ತುಜೊ ಉಡಾಸ್,
ಕಾಡ್ತಾಂವ್ ತುಜ್ಯಾ ಜಲ್ಮಾ ದಿಸಾ,
"ಗಾಂಧಿ ಜಯಂತಿ" ಆಚಾರ್ಸಿತಾಂವ್,
ಕರುನ್ ತುಕಾ ಪ್ರಣಾಮ್.

"ದೇಶ್ ಪ್ರೇಮಿ" ಭೊಗ್ಣಾಂ,
 ಭರ್ಲೆಲಿಂ ತುಜ್ಯಾ ಕಾಳ್ಜಾಂತ್,
 ಬ್ರಿಟಿಷಾಂ ವಿರೋಧ್ ಜಿಕ್ಲೊಯ್,
 "ಸತ್ಯಾಗ್ರಹ" ಹಾತೆರ್ ವಾಪಾರ್ನ್.

"ಚರಕಾ" ಘೆವ್ನ್ ಸ್ವದೇಶಿ ವಸ್ತುರ್,
ತಯಾರ್ ತುವೆಂ ಕೆಲೆಂಯ್,
ಶಿಕ್ಷಾ ಶಾಲಾಂನಿ ಆತಾಂ ವಸ್ತ್ರಾ ಕೀಡ್,
ಶೋಲಾಂ ವಸ್ತುರಾಂ ಕರಂದಾಯ್.

ಪ್ರಾಯೆಚಿ ಪರ್ವಾ ನಾಸ್ತಾಂ,
ಬೇತ್ ಫೆಂವ್ನ್ ಭಾರತ್ ಬೊವ್ಲೋಯ್,
ಪರಿಸ್ಥಿತಿ ಉಲ್ಟಿ ರಾವ್ಲ್ಯಾ,
ಶಾಂತಿ ಹಾಡುಂಕ್ ಬೇತ್ ಜಾಯ್ ಪಡ್ಲಾಂ.

ಅಹಿಂಸಾ , ಅಹಿಂಸಾ , ಅಹಿಂಸಾ,
ಶಬ್ದಾಂ ವಿಸರ್ ಪಡ್ಲ್ಯಾ ದಿಸ್ತಾ,
ಕುಪಾಂ ಮಧ್ಲ್ಯಾನ್ ತುಂ ತಿಳ್ತಾನಾ,
ದೊಳ್ಯಾಂತ್ ದುಕಾಂ ಹಾಡಿನಾಕಾ.

ಭಾಗಿ ಜಲ್ಮಾ ದೀಸ್ ತುಕಾ,
ಮೊಗಾಳಾ ಗಾಂಧಿ ತಾತಾ,
 ಸ್ವತಂತ್ರ್ ರಾಕೊನ್ ವರ್ಚಾಕ್,
 ದೆವಾಲಾಗಿ೦ ಮಾಗೊನ್ ದಿ ಕೃಪಾ

ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್)
ಕೊಟ್ಟಾರ ಕ್ರಾಸ್ ವಾಡೊ