ಭಾಗಿ ಜಲ್ಮಾ ದೀಸ್ ತುಕಾ by ಜ್ಯೂಲಿಯೆಟ್ ಫೆರ್ನಾಂಡಿಸ್  (ಮೊರಾಸ್) Back

ಭಾಗಿ ಜಲ್ಮಾ ದೀಸ್ ತುಕಾ .....

ಪ್ರಣಾಮ್ ಗಾಂಧಿ ತಾತಾ,
ತುಜ್ಯಾ ಜಲ್ಮಾ ದಿಸಾ.
ಭಾರತಾಕ್ ಸ್ವತಂತ್ರ್ ಹಾಡ್ಲೆಂಯ್
ವಾಪಾರ್ನ್ ‘ಸತ್ಯಾಗೃಹ’ ‘ಅಹಿಂಸಾ’

"ಸತ್ಯಾಗೃಹ" ಕೆಲೆಂ
ಭಾರತ್ ಸ್ವತಂತ್ರ್ ಜಾಲೆಂ,
ಆಧುನಿಕ್ ಕಾಳಾಚೆಂ ‘ಸತ್ಯಾಗೃಹ’,
ಖಂಚಾ ಗೃಹಾಕ್ ಪಾವಯ್ತ್?

ಅಹಿಂಸಾ, ಅಹಿಂಸಾ, ಪ್ರಚಾರ್,
ಗಾಂಧಿ ತಾತಾಚೆಂ ಧ್ಯೇಯ್
ಆತಾಂ ಜಾತಾ ಕಿತೆಂ?
“ಅಹಿಂಸಾ” ಪಾವ್ಲಾಂ ಖೈಂಸರ್?

“ಡ್ರೈ ಡೇ” ಆಚರಣ್ ಖರ್ಚಾಕ್,
ಫ್ರೈಡೇ’ ಲಾಯ್ನಿರ್ ರಾವ್ಲೆ ತರ್,
ಖೈಂಸರ್ ಉರ್ಲಾಂ ಚಿಂತಾಪ್
“ಡ್ರೈ ಡೇ” ಮಹತ್ವ್ ಉರಾತ್?

ಭಾಗಿ ಜಲ್ಮಾ ದೀಸ್ ತುಕಾ,
ಮಾಗ್ತಾಂವ್ ಭಾರತ್ ಪ್ರಜಾ,
ಸ್ವಾತಂತ್ರ್ ಆಮ್ಚೆಂ ರಾಕೊನ್ ವರ್ಯಾಂ
ದಿವುನ್ ಭಾಸ್ ಗಾಂಧಿ ತಾತಾಕ್.

ಜ್ಯೂಲಿಯೆಟ್ ಫೆರ್ನಾಂಡಿಸ್  (ಮೊರಾಸ್)
ಕೊಟ್ಟಾರ್ ಕ್ರಾಸ್ ವಾಡೊ.