ನೀತ್ ಮನ್ಶ್ಯಾಕ್ ಮೆಳಾತ್? By ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) Back
ನೀತ್ ಮನ್ಶ್ಯಾಕ್ ಮೆಳಾತ್?
ನೀತ್ ಆನಿ ಸತ್
ನಾಣ್ಯಾಂಚಿ ದೋನ್ ಮುಖಾಂ,
ಸತ್ ಪಾವ್ಲಾಂ ಖಂಯ್ಸರ್?
ನೀತ್ ಮನ್ಶ್ಯಾಕ್ ಮೆಳಾತ್?
ವಿಶ್ವ ನಿತಿಚ್ಯಾ ದಿಸಾ,
ನೀತ್ ಜಾಯ್ ಮ್ಹಣ್ತಾಂವ್,
ನೀತ್ ಆಪ್ಣಾಂವ್ಕ್ ಸಕ್ಲ್ಯಾಂವ್ ಆಮಿ,
ಕುಟ್ಮಾ ಸಾಗೊರಾ ಭಿತರ್?
ಚಿಲ್ಲರ್ ಕಾರಣಾ ಖಾತಿರ್,
ಘೊವ್-ಬಾಯ್ಲೆ, ಮದೆಂ ಝಗ್ಡೆಂ,
ಫಟಿ - ಶಿವೊರ್, ಕಾಣಿಯೊಂ,
ಸಮಾಧಾನ್ ಬಜಾರಾಂತ್ ವಿಕ್ಲೆಂ.
ನೀತ್, ನೀತ್, ನೀತ್,
ನೀತ್ ಪಡ್ಲ್ಯಾ ಗೊಂದೊಳಾಂತ್,
ನೀತ್ ಬಜಾರಾಂತ್ ವಿಕ್ರಾಪಾಕ್ ಪಡ್ಲ್ಯಾ,
ಏಕಾ ವಯ್ರ್ ಏಕ್ ಬಿಡ್ದ್
ಏಕ್ ಇಂಚ್‍ ಜಾಗ್ಯಾ ಖಾತಿರ್,
ಕೋರ್ಟ್ ಕಛೇರಿ ಲಾಪ್ಡೆ,
ಭುರ್ಗ್ಯಾಂಕ್ ವ್ಹಡಿಲಾಂಕ್‍ ಝಗ್ಡೆಂ,
ನಾ-ಸಮಾಧಾನ್ ಜೀವನ್‍ ಕುರ್ಡೆಂ.
ತೂಂಚ್‍ ತುಜೊ ನಿತಿಧಾರ್,
ದೆವಾನ್ ದಿಲಾಂ ಗಿನ್ಯಾನ್,
ಸೊದ್-ದೋಡ್ ಆಸಾ ಕರುನ್,
ರಾವಯ್‍ ಅನೀತ್‍ ಝಗ್ಡೆಂ.
ಸ್ರಷ್ಟಿ ಕರ್ತಾಕ್ ಫುರೊ ಜಾಲಾಂ,
ನೀತಿಚಿ ದೊರಿ ಅರ್ನಿಲ್ಲ್ಯಾ,
ಪಿಡೆನ್ ವ್ಹಳ್ವಾಳ್ತಾ ಸಂಸಾರ್,
ನೀತ್ ಖಂಯ್ಸರ್ ಪಾವ್ಲ್ಯಾ?
ಯೇ ನಿರ್ಭಾಗಿ ಮನ್ಶ್ಯಾ,
ಆತಾಂ ತರಿ ಜಾಗೊ ಜಾ,
ನೀತ್ ಬಾಡ್ಯಾಕ್ ವಿಕಿನಾಕಾ,
ಅನೀತ್‍ ಆಪ್ಣಾಯ್ನಾಕಾ.
ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್)
ಕೊಟ್ಟಾರ ಕ್ರಾಸ್ ವಾಡೊ
