ತ್ಯಾಗಾಕ್ ತುಮ್ಚ್ಯಾ ಕರ್ತಾಂವ್ ನಮಾನ್ Back

ತ್ಯಾಗಾಕ್ ತುಮ್ಚ್ಯಾ ಕರ್ತಾಂವ್ ನಮಾನ್

ಬೊಬೆ ಬಾಜ್, ಬೊಬೆ ಬಾಜ್, ವೊಟ್ಟ್ಯಾ ಕಯ್ಲ್ಯಾರ್,
ಬಾಯೆ ತುಜೊ ಮಾಮ್ ಯೆತಾ, ಥೊoಟ್ಯಾ ಬೊಯ್ಲಾರ್,
ನಾತ್ ಆಮ್ಚೆಂ ನಾಚ್ತಾಲೆಂ ಆಜಿಯೆ ಉಸ್ಕ್ಯಾರ್,
ತಾಳಿಯೊ ಪೆಟುನ್ ಉಡ್ತಾಲೆಂ ಮೊಗಾ ಲಾರಾರ್.

ಥೊoಟೊ ಬೊಯ್ಲ್ ದಾವುನ್ ಗೆಲಾ,
ಮಾಮ್ ವಿಮಾನರ್ ದುಬಾಯಿ ಪಾವ್ಲಾ,
ನಾತ್ ಆಜಿಯೆ ಸಂಬಂಧ್ ಉರ್ಲಾ
ಆಜಿಯೆ ಉಸ್ಕ್ಯಾರ್ ಮೊಬಾಯ್ಲಾರ್ ಖೆಳ್ತಾ.

ನಾತ್ ಬಾಯ್ ವ್ಹಡ್ ಜಾಲಾಂ,
ಲಗ್ನಾ ಭೆಸಾಕ್ ಆಯ್ತೆ ಜಾಲಾಂ,
ಕಾಳಿಜ್ ಉಮಾಳೊನ್ ಭರ್ಲಾಂ,
ಆಜಿಯೆ ಪೊಲ್ಯಾಕ್ ಪೊಲೊ ಲಾಯ್ತಾನಾ.

ನಾಕಾ ಫುಡಾರ್ ಉದ್ಕಾ ಝರ್,
ದೊಳ್ಯಾ ಖಂಚಿಂನಿ ಪೊವ್ಳಾಂ ಝರ್,
ಲಜ್ ಸೊಡ್ನ್ ದೆಂವ್ತಾಂತ್ ಸಕ್ಲಾ,
ಬಿಜೊನ್ ಆಜಿಯೆ - ನಾತಿ ಪೊಲ್ಯಾರ್.

ಉಪಾಶಿಂ ರಾವೊನ್ ಆಮ್ಕಾಂ ಪೊಸ್ಲಾಂ
ನಿದೆವಿಣೆಂ ರಾತ್ - ಫಾಲೆಂ ಕೆಲಾಂ,
ಕಷ್ಟಾ ದುಖಾಂತ್ ಮೊಗಾನ್ ವೆಂಗ್ಲಾಂ,
ಮಾನ್ ಭಾಗಯ್ತಾಂವ್ ವ್ಹಡಿಲಾಂನೊ ತುಮ್ಕಾಂ.

ತ್ಯಾಗಾಕ್ ತುಮ್ಚ್ಯಾ ಕರ್ತಾಂವ್ ನಮಾನ್,
ಸಾಷ್ಟಾಂಗ್ ತುಮ್ಕಾ ಆಮ್ಚೊ ಪ್ರಣಾಮ್,
ಮೋಗ್ ದವರ್ನ್ ಸದಾಂ ಕಾಳ್ಜಾಂತ್,
ಲಾಂಬ್ ಆವ್ಕ್ ಬಳ್ ಭಲಾಯ್ಕಿ ತುಮ್ಚ್ಯಾ ಜಿವಿತಾಂತ್.

ಜ್ಯುಲಿಯೆಟ್ ಫೆರ್ನಾಂಡಿಸ್ (ಮೊರಾಸ್)
ಕೊಟ್ಟಾರ ಕ್ರಾಸ್ ವಾಡೊ