ಜಿವಿತ್ ಆನಿ ಪುನರ್ ಜಿವಂತ್ಪಣ್ by ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) Back

ಜಿವಿತ್ ಆನಿ ಪುನರ್ ಜಿವಂತ್ಪಣ್

ಕೂಡಿ ಅತ್ಮಾ ಚೆಂ ಸುಂದರ್ ಮಿಲನ್,
ಕಿತ್ಲೆಂ ತೆಂ ಮೊಲಾಧಿಕ್,
ವೆಗ್ಳಾಚಾರ್ ಇತ್ಲೊ ಕಠಿಣ್, 
ರಡಯ್ತಾ ಕಾಳಿಜ್ ಘನಾಧಿಕ್.

ಮರ್ಣಾ ನಂತರ ಲಾಲೆತಾಂವ್,
   ದೆಕುಂಕ್ ರುಪ್ಲೆಂ ಮೊಗಾಚೆಂ,
   ಆಶೆವ್ನ್ ಆಶೆವ್ನ್ ಥಕ್ಲ್ಯಾಂವ್ ತರಿ,
   ರುಪ್ಣೆಂ ದಿಸಾನಾ ಲಾಲೆಂವ್ಚೆಂ.

ಮಾಯಾಕ್ ಜಾಲಾಂ ಫೊಡಾಂ ಭಿತರ್,
ಗಯ್ರೆ ದೊಳೆ ರಡ್ತಾತ್ ಚಿಂತುನ್,
ಪರತ್ ದೆಕುಂಕ್ ಸಕಲ್ಲೆo ಜಾಲ್ಯಾರ್,
ಆಶೆತಾ ದುಕೇಸ್ತ್ ಕಾಳಿಜ್ ರಡುನ್.

ಅವ್ಕಾಸ್ ದಿಲಾ ಧನ್ಯಾ ದೆವಾನ್,
     ಜೀವ್ ಆಸ್ತಾನಾ ವಿಭಾಡ್ಚೊ ನ್ಹಯ್,
      ಮೆಲ್ಯಾ ಉಪ್ರಾಂತ್ ರಡುನ್ ನಾ ಫಾಯ್ದೊ,
      ಜಿವಿತಾ ಮೋಲ್ ಹೊಗ್ಡಾವ್ಚೆಂ ನ್ಹಯ್.

ಮರ್ಣಾ ನಂತರ್ ಪುನರ್ ಜಿವಂತ್ಪಣ್,
ಜೆಜು ಪುನರ್ ಜಿವಂತ್ ಜಾಲಾ,
ನಿತಳ್ ನಿರ್ಮಳ್ ಜಿವಿತ್ ಆಪ್ಣಾ೦ವ್ನ್,
ಜಿವಿತ್ ಪುನರ್ ಜಿವಂತ್ ಕರ್ಯಾಂ.

ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್)
ಕೊಟ್ಟಾರ ಕ್ರಾಸ್ ವಾಡೊ