ಗಾವ್ಯಾಂಮಿ ಧಾದೊಶಿ by ಜ್ಯೂಲಿಯೆಟ್ ಫೆರ್ನಾಂಡಿಸ್ Back

ಗಾವ್ಯಾಂಮಿ ಧಾದೊಶಿ

ಸೊಭಿತ್ ದೋನ್ ಸುಕ್ಣಿಂ,
ಸಂಗಿಂ ಜಿಯೆವ್ನ್ ಆಸ್ಲಿಂ,
ಜಿಲಿಪಿಲಿ ಗಾನಾಂ,
ದಾದೊಶಿ ತಾಚಿಂ ಮನಾಂ.

ಗೊಂಟೆಂರ್ ಬಾಂದ್ಲೊ ತಾಣೆ,       
ತ್ಯಾಗ್ ಕರುನ್ ಜಿಣಿ,
ಮೊಗಾನ್ ಪಿಲಾಂ ಸಂಗಿಂ,
 ಜಿಯೆಲಿಂ ತಿಂ ಸಂಗಿಂ.

ಕಾಳ್ ಉಬ್ಲೊ ,ದೀಸ್ ದಾವ್ಲೆ,
ಪಾಕಾಟೆ ಪಿಲಾಂಕ್ ಆಯ್ಲೆ,
ಚಿಲಿಪಿಲಿ ಗಾನಾಂನಿ,
ರಂಗೀನ್ ಗಾಯಾನ್ ಸೊಬ್ಲೆಂ.

ಮಲ್ಗಾಡಿಂ ಸುಕ್ಣಿಂ ಸಂತೊಸ್ಲಿಂ,
ಎಕಾಮೆಕಾ ಜಿಯೆಲಿಂ,
ಗೀತಾಂ ಗಾವುನ್ ರಚ್ನಾರಾಕ್,
ಸಂತೊಸಾನ್ ದಾದೊಸ್ಲಿ.

ಸುಕ್ಣಿಂ ಕಿತ್ಲಿಂ ಸುಖಿ,
ಆಮಿ ಕಿತ್ಯಾಕ್ ದುಖಿ?
ಮಧುರ್ ತಾಳೆ ಉಭಾರ್ನ್ ಕಾಳ್ಜಾಂ,
ಗಾವ್ಯಾಂಮಿ ಧಾದೊಶಿ.

ನಾ ಸಂಗೀತಾಕ್ ಪ್ರಾಯ್,
ನಾ ತಾಕಾ ಅಂತ್ಯ್,
ಲಾನಾಂ ವ್ಹಡಾಂ ಮೆಳೊನ್ ,
ಸಂಗಿಂ ಗಾವ್ಯಾ ಮಿ ದಾದೊಶಿ.

ಸಾಂ ಸಿಸಿಲಿಯಾ ಫೆಸ್ತಾ ದಿಸಾ,
ಮೆಳ್ಯಾಂ ವ್ ಸಾಂಗಾತಾ,
ಅರ್ಗಾ ಪಾಟವ್ನ್ ರಚ್ನರಾಕ್,
ಉಲ್ಲಾಸ್ಯಾಂ ಎಕಾಮೆಕಾ.

ಜ್ಯೂಲಿಯೆಟ್ ಫೆರ್ನಾಂಡಿಸ್
ಕೊಟ್ಟಾರ್ ಕ್ರಾಸ್ ವಾಡೊ