ಕಾಳ್ ಬದಲ್ಲಾ - ಎಡ್ರಿಯಲ್ ಕ್ವಾಡ್ರಸ್ Back

ಕಾಳ್ ಬದಲ್ಲಾ...... 

ಆದ್ಲೆ ದೀಸ್ ಖಂಯ್ ಗೆಲೆ? 

ತ್ಯೊ ರಿತಿ-ರಿವಾಜಿ, ಸಂಪೃದಾಯ್!! 

ಆಕರ್ಷಿಕ್ ಮನೋರಂಜನಾಂ, 

ಮಧುರ್ ನಾದಾಚಿಂ ಸಂಗೀತಾಂ!!! 

ಕುಟ್ಮಾಂ, ಸಯ್ರಿಂ, ಇಷ್ಟಾಂ-ಮಂತ್ರಾಂ, ಜಾಲ್ಯಾಂತ್ ಪಯ್ಸ್ ಆಜ್ ಸರ್ವಾಂ!!! 

ಮೌನ್ ಜಾಲ್ಯಾಂತ್ ಆಮ್ಚಿಂ  ಘರಾಂ, 

ನಾಸ್ ಜಾಲ್ಯಾಂತ್ ತಿಂ ಕಾಳ್ಜಾಂ-ಮನಾಂ!!!! 

ನಾ ಶಾಂತಿ ನಾ ಸಮಾಧಾನ್, 

ಆಸಾ ಕೇವಲ್ ಭೆಂ- ಭಿರಾಂತ್!!!! 

ಆದಿಂ ಖೆಳ್ತಾಲಿಂ ಭುರ್ಗಿಂ ಭಾಯ್ಲ್ಯಾ ಅಂಗ್ಣಾಂತ್, 

ಆಜ್ ಸಾಂಪಾಡ್ಲ್ಯಾಂತ್ ತ್ಯಾ ಮೊಬಾಯ್ಲ್ ಖೆಳಾಂತ್!!! 

ಮಾಗ್ಣೆಂ-ರಜಾರ್ ಹಾಕಾ ವೇಳ್ ನಾ, 

ವ್ಹಡಿಲಾಂಚ್ಯಾ ಉತ್ರಾಂಕ್ ಮೊಲ್ ನಾ!!!! 

ಖಂಯ್ ಪಾವ್ಲಾ  ಹೊ ಸಂಸಾರ್..?? 

ನಾ ದೇವ್ ಭಿರಾಂತ್,ನಾ ಕಾಂಯ್ ಆಕಾಂತ್!! 

ಕಾಳ್ ಬದಲ್ಲಾ, ಊಠ್  ಮನ್ಶಾ!!! 

ಕರಿನಾಕಾ ತುಜ್ಯಾ ಭೊಂವಾರಿಂ ನಿರ್ಲಕ್ಷಾ, 

ಕಾಳ್ ಬದಲ್ಲಾ, ಆಯ್ಲ್ಯಾ ಏಕ್ ಮಾರೆಕಾರ್  ಪಿಡಾ!!!! 

ದಾಕೊಂವ್ಕ್ ಆಮ್ಕಾಂ ಸಾರ್ಕಿ ದಿಶಾ..... 

ಎಡ್ರಿಯಲ್ ಕ್ವಾಡ್ರಸ್

Gollachil Ward