ಕೊಂಕ್ಣಿ ಮಾನ್ಯತಾ ದಿಸಾ ಉಡಾಸ್ by ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್) Back

ಕೊಂಕ್ಣಿ ಮಾನ್ಯತಾ ದಿಸಾ ಉಡಾಸ್

ಆಗೋಸ್ತಾಚೆ ತಾರಿಕ್ ವೀಸ್
ಕೊಂಕ್ಣಿ ಭಾಶೆಚೊ ಮಾನ್ಯತಾ ದೀಸ್
ಆಚಾರ್ಸಿತಾಂವ್ ಕೊಂಕ್ಣಿ ಲೋಕ್
ಉಡಾಸಾಂತ್ ಆಮ್ಚ್ಯಾ ಜಾಲೊಯ್ ತುಂ ಅಮರ್.

ಆತ್ಮೊ ಸರ್ಗಿಂ ಉಬ್ಲೊ ತರಿ
ಉಡಾಸ್ ಶಾಶ್ವತ್ ಉರ್ಲಾ ಸಂಸಾರಿಂ
ಜಿವಿತ್ ಆರ್ಪಿಲೆಂಯ್ ಕೊಂಕ್ಣಿ ಸೆವೆಕ್
ಮೊಟೊ ವಾವ್ರ್ ತುಜೊ ಕೊಂಕ್ಣಿ ಭಾಶೆಕ್.

ಆಟ್ವ್ಯಾ ವೊಳೆರಿಂತ್ ಕೊಂಕ್ಣಿ ಮಾಂಯ್ ಸೊಭ್ತಾ
ಕರ್ನಾಟಕಾಂತ್ ಕೊಂಕ್ಣಿ ಸಾಹಿತ್ಯ ಅಕಾಡೆಮಿ ವಾವ್ರ್ ಕರ್ತಾ
ಪ್ರತಿಫಳ್ ತುಜ್ಯಾ ವಾವ್ರಾಕ್ ಖಂಡಿತ್ ಲಾಭ್ಲಾ ದಿಸ್ತಾ
ಅರ್ಪಿತಾಂವ್ ಫುಲಾಂ ತುರೊ ಉಡಾಸಾಕ್ ತುಜ್ಯಾ.

ಜಾಥಾ ಕೆಲ್ಯೊಯ್, ಮನವಿ ಅರ್ಪಿಲ್ಯೊಯ್
ವಿವಿಧ್ ಕೊಂಕ್ಣಿ ಸಂಸ್ಥ್ಯಾಂಚೊ ಅಧ್ಯಕ್ಷ್ ಜಾಲೊಯ್
ಕೊಂಕ್ಣಿ ಸಾಹಿತಿ ಸಂಘಟಕ್ ಜಾಲೊಯ್
ಚೆಪೆಂ ಉಕ್ಲೊನ್ ತುಕಾ ಹ್ಯಾ ಭಾಗಿ ದಿಸಾ.

ಪಾವ್ಲ್ ಮೊರಾಸ್ ನಾಂವ್ ಅಮರ್ ಜಾಲೆಂ
ಕೊಂಕ್ಣಿ ಮಾಯೆ ಸೆವೆಂತ್ ವಿಲೀನ್ ಜಾಲೆಂ
ಕೊಂಕ್ಣಿ ಲೋಕ್ ಸದಾಂ ಋಣಿ ತುಕಾ
ಸೆವಾ ತುಜಿ ವಾಖಣ್ತಾಂವ್ ಹ್ಯಾ ಭಾಗಿ ದಿಸಾ.

ಭಾಗಿ ಕೊಂಕ್ಣಿ ಮಾನ್ಯತಾ ದೀಸ್
ಸರ್ವ್ ಕೊಂಕ್ಣಿ ಲೊಕಾಂಕ್ ಭಾಗಿ ದೀಸ್
ಸರ್ವ್ ಕೊಂಕ್ಣಿ ವಾವ್ರಾಡ್ಯಾಂಕ್ ಉಲ್ಲಾಸಿತಾಂ
ಲಾಂಬ್ ಜಿಯೊಂ ಕೊಂಕ್ಣಿ ಮಾಂಯ್ ಭಾಸ್ ಮಾಗ್ತಾಂ.

ಜ್ಯೂಲಿಯೆಟ್ ಫೆರ್ನಾಂಡಿಸ್ (ಮೊರಾಸ್)
ಕೊಟ್ಟಾರ ಕ್ರಾಸ್ ವಾಡೊ