ಉಡಾಸ್ ಕಾಳ್ಜಾಂತ್ - ಜ್ಯೂಲಿಯೆಟ್ ಫೆರ್ನಾಂಡಿಸ್   Back

ಉಡಾಸ್ ಕಾಳ್ಜಾಂತ್

ಮೆಯಾಚಿ ತಾರಿಕ್ ಬಾವಿಸ್
ವಿಮಾನ್ ದುರಂತ್ ಘಡ್ಲೆಂ ಆವ್ಚಿತ್
ಇಕ್ರಾ ವರ್ಸಾಂ ಸಂಪ್ಲಿ ತರಿ
ಉಗ್ಡಾಸ್ ಕಾಡುನ್ ರಡ್ತಾ ಕಾಳಿಜ್

ಏರ್ ಇಂಡಿಯಾ ಎಕ್ಸ್ ಪ್ರೆಸ್ ಬೋಯಿಂಗ್
ದುಬೈ ಥಾವ್ನ್ ಮಂಗ್ಳೂರಾಕ್
ಕಾಳ್ಜಾಂ ಆಸ್ಲಿಂ ರಾಕೊನ್
ಮೊಗಾಚಾಂಕ್ ವೆಂಗುಂಕ್ ಸಬಾರ್.

ಫಾಂತ್ಯಾಚ್ಯಾ ಸ ವೊರಾರ್
ವಿಧಿನ್ ಮಾರ್ಲಿ  ದಾವ್ಲಿ
ವಿಮಾನ್ ಗ್ರಾಸುನ್ ಭಸ್ಮೊನ್
ಖೆಳ್ ಆಪ್ಲೊ ಖೆಳ್ಳಿ.

ಪತಿಣ್ ನಾ ಜಾಲಿ ಪತಿಕ್
ಪತಿ ನಾ ಜಾಲೊ ಪತಿಣಿಕ್
ಬಾಳಾಕ್ ನಾ ಜಾಲಿಂ ದಾತಾರಾಂ
ಪೂತ್ ನಾ ಜಾಲೊ ಆವಯ್ಕ್

ವರ್ಸಾಂ ಇಕ್ರಾ ಉಬೊನ್ ಧಾಂವ್ಲಿ
ಯೆಂವ್ಚಿ ನಾಕಾ ತಿ ಘಡಿ
ಕಾಳ್ಜಾಂ ಭೆಸಾಂ ದುಕಾಂ ಝರಿ
ದೊಳ್ಯಾಂತ್ ದೆಂವ್ತಾತ್ ಪೊವ್ಳಾಂ ಝರಿ.

ಶೃದ್ಧಾಂಜಲಿ ಅಂತರ್ಲೆಲ್ಯಾಂಕ್
ಇಕ್ರಾಂ ವರ್ಸಾಂಚೊ ಉಡಾಸ್ ಕಾಳ್ಜಾಂತ್
ಸೊಭೊಂದಿತ್ ತಿಂ ಸರ್ಗಾ ರಾಜಾಂತ್
ರಚ್ನಾರಾಚ್ಯಾ ಸೊಭಿತ್ ವೊಡ್ತಾಂತ್.

♦♦♦♦♦♦♦♦♦

ಜ್ಯೂಲಿಯೆಟ್ ಫೆರ್ನಾಂಡಿಸ್
ಕೊಟ್ಟಾರ ಕ್ರಾಸ್ ವಾಡೊ.