ಆಮ್ಚೊಂ  ಮೊಗಾಳ್ ಪಾಪಾ Back

ಆಮ್ಚೊಂ  ಮೊಗಾಳ್ ಪಾಪಾ

ಭಾಗೆವಂತ್ ಆಮ್ಚ್ಯಾಂ ಪಾಪಾ,
ಲೊಕಾ ಮೊಗಾಳ್ ಬಾಪಾ.
ಸರ್ಗಾರ್ ತುಂ ಅಸಾಯ್,
ಮಾಗ್ತಾಂವ್ ತುಜೊ ಸಸಾಯ್.

ಸಾದಿ ಭೊಳಿ ತುಜಿ  ಜಿಣಿಂ,
ಜಿಯೆಲೊಯ್ ತುಂ ಖಾಲ್ತೆಪಣಿ.
ಕೆಲಿ ಸೆವಾ  ಉತ್ರಂ-ಕರ್ನ್ಯಾನಿಂ,
ಸಗ್ಳೊ ಸಂಸಾರ್ ತುಕಾ  ೠಣಿ.

ಕಾಕುಳ್ತಿಚೊ  ತುಂ  ಸಾಗೋರ್,
ಜ್ಞಾನಚೊ ಭಂಡಾರ್.
ದುಬ್ಳ್ಯಾ  ದಾಕ್ಟ್ಯಂಚೊ ಆಧಾರ್.
ಬೊಗ್ಸುಂಕ್ ಸದಾಂ ತಯಾರ್.

ಹಾಡ್ಲೊಯ್ ಎಕ್ವಟ್  ಆಮ್ಚೆಂಮಧೆಂ.
ಬದ್ಲಾವಣ್ ಹಾಡ್ಲೆಂಯ್  ಇಗರ್ಜ್ ಮಾತೆಂತ್.
ತ್ಯಾಗನ್-ಮೊಗಾನ್ ಶಾಂತ್ ಸಮಧಾನ್,
ಜಿಯೆಂವ್ಕ್ ಉಲೊ ದಿಲೊಯ್
ಸಂಸರಾರ್.

ದುಃಖಾಂತ್ ಬುಡ್ಲಾ ಸಗ್ಳೊ ಸಂಸಾರ್.
ಪರ್ತ್ಯಾನ್  ಜಲ್ಮೊನ್ ಯೆ ಪ್ರಥ್ವೀಚೇರ್.
ಶ್ರಧ್ಧಾಂಜಲಿ ಭೆಟಯ್ತಾ ಸಗ್ಳೊ ಸಂಸಾರ್.
ಪಾಪಾ  ಫ್ರಾನ್ಸೀಸ್ ತುಂ ಅಮರ್.
      ತುಂ.  ಅಮರ್.

  ಮರ್ಲಿನ್.  ದೆರೆಬಯ್ಲ್.