ಆಮ್ಚಿಂ ಯುವಜಣಾಂ by ಶ್ರೀಮತಿ ಜೆಸಿಂತಾ ಮಸ್ಕರೇನಸ್ Back

ಆಮ್ಚಿಂ ಯುವಜಣಾಂ

ಯುವಜಣಾಂ ಆಮ್ಚಿಂ ಶಿಕ್ಪಾಂತ್ ಮುಖಾರ್
ದೆವಾಚ್ಯಾ ಆನಿ ಪೆಲ್ಯಾಚ್ಯಾ ಸೆವೆಂತ್ ಸದಾಂ ತಯಾರ್
ಕುಟ್ಮಾಂತ್ ಆಸಾ ತಾಂಚೊ ವರ್ತೊ ಆಧಾರ್
ದೇವ್ ತಾಂಚೆರ್ ವೊತುಂದಿ ಬೆಸಾಂವಾ ಸಭಾರ್!

 

ಆಸಾತ್ ಸಭಾರ್ ಜಣಾಂ ಶಿಕ್ಪಾ ಕೇಂದ್ರಾಂತ್
 ಥೊಡಿಂ  ದಿತಾತ್ ಸೆವಾ ಭಲಾಯ್ಕೆ ಕ್ಷೇತ್ರಾಂತ್
 ಸಭಾರಾಂ ಆಸಾತ್ ದೀವ್ನ್ ಸೆವಾ ಹೆರ್ ವಿಭಾಗಾಂತ್
ಭೋವ್ ಥೊಡಿಂ ಆಸಾತ್ ರಕ್ಷಣ್ ಸಂಸ್ಥ್ಯಾಂತ್!

 

ಆಮ್ಚಿಂ ಯುವಜಣಾಂ ತಾಲೆಂತ್‍ವಂತ್
ಉದೆವ್ನ್ ಯೆತಾತ್ ತಿಂ ಜಾವ್ನ್ ಬಳ್ವಂತ್
ಹರ್ಯೆಕಾ ಕ್ಷೇತ್ರಾಂತ್ ಮುಖಾರ್ ಯೆಂವ್ದಿತ್ ಸರ್ಕಾರಾಂತ್
ದಾಕಂವ್ದಿತ್ ಕ್ರೀಸ್ತೀ ಮೌಲ್ಯಾಂ ಸಮಾಜ್ ಸೆವೆಂತ್!

 

ಮಾಗ್ತಾಂವ್ ತಾಂಕಾ ಮೆಳೊಂದಿ ಬರೆಂ ಲಿಸಾಂವ್
ಬರೊ ಫುಡಾರ್ ಬರೆಂ ಕುಟಾಮ್ ಜಾಂವ್ದಿ ತಾಂಚೆ ತೆಸಾಂವ್
ನಿವಾರುಂದಿ ತಾಂಚ್ಯೆ ಜಿಣ್ಯೆಂತ್ ಯೆಂವ್ಚೆಂ ತೆಂತೆಸಾಂವ್
ಹರ್ಯೆಕಾ ಮೆಟಾಂನಿ ರಾಕೊಂದಿ ದೇವ್ ದೀವ್ನ್ ತಾಂಕಾ ಬೆಸಾಂವ್!

-ಶ್ರೀಮತಿ ಜೆಸಿಂತಾ ಮಸ್ಕರೇನಸ್
ಗೊಲ್ಲಾಚಿಲ್ ವಾಡೊ