ಅದ್ವೆಂತ್ by ಜೆಸಿಂತಾ ಮಸ್ಕರೇನಸ್

ಅದ್ವೆಂತ್

ಅದ್ವೆಂತಾಚೊ ಕಾಳ್ ಹೊ ತಯಾರಾಯೆಚೊ

ಬಾಳ್ ಕ್ರಿಸ್ತಾನ್ ಹಾಡಲ್ಲ್ಯಾ ವರ್ತ್ಯಾ ಭರ್ವಶ್ಯಾಚೊ

ಕುಸ್ವಾರ್, ನೆಕೆತ್ರ್, ಗರ್ದನಾಚೊ ಗೊಟೊ ಕರುಂಕ್ ಮಗ್ನ್ ಜಾಲ್ಲ್ಯಾಂಚೊ

ದಾನ್ ಧರ್ಮ್ ಕರ್ನ್ ಪ್ರಾಚಿತ್ ಕರ್ನ್ ಕಾಳ್ಚಾಂತ್ ಬಾಳ್ಕ್ ಜೆಜುಕ್ ಜಾಗೊ ದಿಂವ್ಚೊ.

ದೀಷ್ಟ್ ಘಾಲ್ಯಾಂ ಆಮ್ಚೆ ಭೊಂವಾರಿ ಕಷ್ಟಾತೆಲ್ಯಾಂಚಿ

ತನ್ ಮನ್ ಧನಾನ್ ಕುಮೊಕ್ ಕರ್ಯಾಂ ಮೊಗಾನ್ ತಾಂಚಿ

ಭೆಟ್ ದಿವ್ಯಾಂ ಕುಟ್ಮಾದಾರಾಂಕ್ ಭೆಟವ್ನ್ ಕಾಣಿಕ್ ಮೊಗಾಚಿ

ಆದ್ವೆಂತ್ ಕಾಳ್ ಸುಫಳ್ ಕರ್ಯಾಂ ಕರ್ನ್ ಸೆವಾ ಹೆರಾಂಚಿ.

ದೋನ್ ಹಜಾರ್ ವರ್ಸಾಂ ಪೂರ್ವಿಂ ಬಾಳ್ ಜೆಜು ಸಂಸಾರಾಕ್ ಆಯ್ಲೊ

ಆಮಾಂ ಸರ್ವಾಂಕ್ ಪಾತ್ಕಾಂತ್ಲಿ ಸೊಡಂವ್ಕ್ ಗೊಟ್ಯಾಂತ್ ಜಲ್ಮಾಲೊ

ದುಬ್ಳ್ಯಾ ಪಣಾಚಿ ದೇಖ್ ದೀವ್ನ್ ಖಾಲ್ತೆಪಣಾನ್ ವಾಡ್ಲೊ

ಸಂಸಾರಾಕ್ ಶಾಂತಿ ಸಮಾಧಾನ್ ಆನಿಂ ಬರಿ ಖಬರ್ ಪರ್ಗಟ್ ಕರ್ನ್ ಅಮರ್ ಜಾಲ್ಲೊ.

ತಯಾರಾಯ್ ಆಮಿಂ ಕರ್ಯಾ ನೈಂ ಫಕತ್ ಭಾಯ್ಲ್ಯಾ ಆಡಂಬರಾಚಿ

ಪರಿವರ್ತನ್ ಕರ್ಯಾಂ ಆಮ್ಚ್ಯಾ ಚಾಲ್ತ್ಯಾ ಜಿಣಿಯೆಚಿ

ಮಾಗ್ಣೆಂ, ಪ್ರಾಚಿತ್ ಆನಿಂ ಸೆವಾ ಜಾಂವ್ದಿ ಧ್ಯೇಯ್ ಆಮ್ಚ್ಯಾ ಭವಿಷ್ಯಾಚಿ

ಕಿರ್ಕೊಳ್ ಜಿಣಿ ಆಮ್ಚಿಂ ಭೆಟವ್ಯಾಂ ಬಾಳ್ಕಾ ಜೆಜುಕ್ ಜಾವ್ನ್ ಕಾಣಿಕ್ ಮೊಗಾಚಿ.

ಜೆಸಿಂತಾ ಮಸ್ಕರೇನಸ್

ಗೊಲ್ಲಾಚಿಲ್ ವಾಡೊ