ತಿಚ್ಯಾ ಭಂವ್ತಿಂಚೊ ಸಂಸಾರ್ -  ಲೇ: ಫೆಲ್ಸಿ ಲೋಬೊ ದೆರೆಬಯ್ಲ್  Back

 ಪಾಲ್ವಾಚೆಂ ಪೋಂತ್ ಪೆಂಕ್ಡಾಕ್ ಖೊವವ್ನ್ ಹಾತಿಂ ಏಕ್ ಕೊಯ್ತುಲ್ ಘೆವ್ನ್ , ಮಾಂಯ್ ಆಂಗಣ್ ದೆಂವ್ಲಿ ತರ್ , ತಿಕಾ ತಿಚೊಚ್ಚ್ ಸಂಸಾರ್. ಗಾದ್ಯಾ ಮೆರೆ ವಯ್ಲೆಂ ತಣ್ ಸವರ್ನ್ ಭೆಂಡ್ಚೆಂ , ಲಜೆಕಾಂಟಿ ಹುಮ್ಟುಂಚಿ , ಲಾಂಬ್ ವಾಡ್ ಲ್ಲೆ ಕಸ್ರೆಬೇಲ್ ನೀಟ್ ಕರ್ನ್ ಭಾಂದ್ಚೆ, ವಾಲಿಕ್ ಶೆಣಾ ಉದಾಕ್ ಶಿಂಪ್ಚೆಂ ರಾಂದ್ವಯೆಚ್ಯಾ ಮುಳಾ ಮುಳಾನಿಂ ನದರ್ ಭಂವ್ಡಾಂವ್ಚಿ ಮ್ಹಣ್ತಾನಾ ದಿಸಾಚೊ ಅಖ್ಖೊ ವೇಳ್ ತಿ ಭುಂಯ್ತ್ ಖರ್ಚಿತಾಲಿ. ತಿಚ್ಯಾ ವಾವ್ರಾಕ್ ನಾ ಮೆಳ್ತಾಲೊ ತಿಕಾ ಸಾಂಭಾಳ್ ವ ಕೊಣಾಚಿ ತಾರಿಫ್ . ತಿಣೆ ಜೊಡ್ಚಿ ತೃಪ್ತಿಚ್ ತಿಚೊ ಸಂತೊಸ್. ಪಾನಾಂ  ಅನಿ ಥರಾವಳ್ ರಾಂದ್ವಯೆಚ್ಯಾ ವಿಕ್ರ್ಯಾಂತ್ ತಿ ಘರ್ಚ್ಯಾ ಖರ್ಚಾಚ್ಯೊ ವಸ್ತು ಪೆಂಟೆ ಥಾವ್ನ್ ಘೆವ್ನ್ ಎತಾಲಿ. ಕಾಂಟ್ ಕುರ್ಪಾಣ್ಯಾಂನಿ ವೆತಾನ ವೊರ್ವಿ ಪಾಟಿಂ ಎತಾನಾ , ಖಾಣಾಂ ಸಾಹೆತ್ ಘರ್ ಭರ್ತಾಲಿ. 

         ತಿಚ್ಯಾ ವಾವ್ರಾಕ್ ಆನಿ ಆತಾಂಚ್ಯಾ ಆವಯಾಂಚ್ಯಾ ವಾವ್ರಾಕ್ ದೀಸ್ ರಾತಿಚೊ ಫರಕ್. ಎಕಾ ರಿತಿನ್ ಏಕ್ ಬದ್ಲಾಪ್ ಮ್ಹಣ್ಯೆತ್. ಬದ್ಲಾಲ್ಲೆ ಪರಿಗತೆ ಸಂಗಿ ಆಮಿ ,  ಆಮ್ಚಿ ಜಿಣ್ಯೆ ರೀತ್ ಸಗ್ಳಿ ಬದ್ಲಾತಾ. ಆಜ್ ಹಳ್ಳೆಂತ್ ತಶೆಂ ಶೆರಾಂತ್ ವಾವ್ರ್ ಚಾಲು ಆಸ್ಲ್ಯಾರಿ ಮಾತ್ಸಿ ಬದ್ಲಾವಣ್ ಜಳ್ಕಾತಾ. ಆವಯ್ ಚೊವಿಚ್ ವರಾಂಚಿ ವಾವ್ರಾಡಿ. ಘರಾ ಭಿತರ್ ಮಾತ್ರ್ ನಯ್ ಘರಾಭಾಯ್ರ್ ಯಿ ತಿಚೊ ವಾವ್ರ್ ಗರ್ಜೆಚೊ ಜಾಲಾ. ವ ತಿಕಾ ಗರ್ಜ್ ಅಸಾ ಮ್ಹಣ್ ಭಗ್ಲಾ ಜಾವ್ಯೆತ್. ಭುರ್ಗಿಂ ವಾವ್ರಾಕ್ ಲಾಗ್ತಾನಾ ತಿಣೆ ವಾವುರ್ಚೆಂ ನಾಕಾ ತರಿ ತಿಚೊ ವಾವ್ರ್ ಥಾಂಭಾನಾ ಹೆಂ ವಿಶೇಷ್. ಸಗ್ಳೆಂ ಘರ್ಚ್ಯಾ ದಾರಾರ್ ಹಾಡ್ನ್ ಪಾವಂವ್ಚಿ ವೆವಸ್ಥಾ ಆಜ್ ಆಸಾ ಜಾಲ್ಯಾರಿ ಆವಯ್ ರಾಂದ್ಪಾ.ಶಿಂದ್ಪಾಕ್ ರಜಾ ಘೆನಾ. ಆಪೊಳ್  , ಲೊನ್ಚೆಂ , ರಾಂದೊ , ಖಾಣಾಂ ಪಕ್ವಾನಾಂ ರಾಂದ್ಚೆಂ ಮಿಸಾಂವ್ ಕಶೆಂ ತಿ ಚಲವ್ನ್ ವರ್ತಾ. ಸೆಜಾರ್ಯಾಚ್ಯಾ ಗರ್ಜೆ ಆಕಾಂತಾನಿಂ ಪಾಂವ್ಚ್ಯಾಕ್ , ಘರಾ ಬಾಗ್ಲಾರ್ ಫುಲಾಂ ಝಾಡಾಂ ವಾಡಂವ್ಕ್ , ತಾಂಚೊ ಪೋಸ್ , ಫುಲಾಂ ಖುಂಟುನ್ ವಿಕ್ರ್ಯಾಕ್ ದೀಂವ್ಕ್ , ಅಸಲ್ಯಾ ರಾಟಾವಳಿಂನಿ ಆಪ್ಣಾಕ್ ಚ್ಚ್ ವ್ಯಸ್ಥ್ ದವರ್ಲೆಲೆಕ್ ಬಸೊನ್ ವಿಶೆವ್ ಘೆಂವ್ಕ್ ಮೆಳ್ಚೊ ವೇಳ್ ಭೋವ್ ಉಣೊ ಚ್ಚ್ ಮ್ಹಣ್ಯೆತ್. ಸ್ತ್ರೀ�

Written By : Felcy Lobo / Ward: Landlinks Lower